Ekzistojnë dy lloje të sigurimit të makinave në Shqipëri: sigurimi i detyrueshëm dhe sigurimi vullnetar. Siguracioni i detyrueshëm në Shqipëri është siguracion TPL. Ky lloj siguracioni nuk i mbulon të gjitha dëmet e shkaktuara në një aksident por dëmet që i siguruari i shkakton palëve të treta. Dëmshpërblimi i jepet pronarit të mjetit të dëmtuar, jo shkaktarit të aksidentit. Për të patur një mbulim më të gjerë dhe të sigurt se të gjitha palët do të dëmshpërblehen bëhet edhe sigurimi vullnetar. Ky lloj sigurimi quhet KASKO dhe në varësi të mbulimit që përzgjidhni mund të jetë edhe FULL KASKO.

Cili është siguracioni i duhur për ju? Siguracion Kasko apo full Kasko?

Si fillim le të ndalemi pak se çfarë rreziqesh mbulon secili prej këtyre siguracioneve:

Siguracion Kasko rreziqet e mbuluara:

1. Dëmtimet aksidentale
2. Thyerja e xhamave
3. Zjarr, rrufeja, eksplozioni
4. Katastrofa natyrore
5. Dëmtim në parkim pa autor

Siguracion Full Kasko rreziqet e mbuluara:

1. Dëmtimet aksidentale
2. Thyerja e xhamave
3. Zjarr, rrufeja, eksplozioni
4. Katastrofa natyrore
5. Dëmtim në parkim pa autor
6. Vjedhje e plotë
7. Vjedhja e pjesshme (aksesoret përjashtuar pasqyra, goma & disqe)
8. Sigurimi jashtë Shqipërisë
9. Aktet keqdashëse
10. Shërbim karrotreci
11. Shërbim GPS

Përveçse të njiheni me rreziqet që mbulon secili prej këtyre siguracioneve, që të bëni zgjedhjen e duhur dhe të mos paguani për mbulim që nuk do t´ju nevojitet duhet të keni parasysh se:

Siguracioni Kasko aplikohet vetëm për automjetet brenda 10 vjeçarit të fundit dhe vlera e tregut të makinës duhet të jetë më e madhe ose e barabartë me 5,000 euro.

Në siguracionin Full Kasko mund të mos përfshini sigurimin jashtë shtetit nëse nuk po planifikoni të udhëtoni jashtë shtetit në atë vit.

Përpara se të vendosni, ne ju sugjerojmë të konsultoheni me një prej agjentëve të Albsig. Ju do të diskutoni cfarë është më e përshtatshme për rastin tuaj që të mund të merrni një siguracion të personalizuar për ju.

Siguracion Kasko apo Full Kasko ju mbetet ju të vendosni sa doni të mbuloheni dhe sa doni të shpenzoni për sigurimin e mjetit tuaj. Më shumë informacion mund të lexoni edhe në artikull.

The post Siguracion Kasko apo Full Kasko: Cilin të zgjedhim? appeared first on Albsig.

1.      Kontrolloni mbulimin e sigurimit:

Pronari i biznesit mban përgjegjësi nëse diçka shkon keq në vendin ku operon biznesi ose gjatë operacioneve të ndryshme jashë biznesit. Bisedoni me agjentin tuaj të sigurimit për t’u siguruar që keni sasinë dhe llojin e duhur të mbulimit në mënyrë që biznesi, stafi dhe klientët tuaj të mbrohen.

Sipas ligjit, ka disa gjëra që duhet të bëni për të mbajtur një vend pune të sigurt dhe të shëndetshëm. INSPEKTORATI SHTETËROR I PUNËS DHE SHËRBIMEVE SHOQËRORE është përgjegjës për zbatimin e këtyre ligjeve. Shkoni te https://inspektoriatipunes.gov.al  për më shumë informacion.

2.      Bëni një listë të rreziqeve:

Biznese të ndryshme mund të kenë nevoja shumë të ndryshme kur bëhet fjalë për sigurinë në vendin e punës. Pavarësisht se në çfarë industrie jeni, është një ide e mirë të auditoni biznesin tuaj për rreziqet e mundshme dhe çështjet e sigurisë. ALBISG ofron një listë kontrolli për të ndihmuar pronarët e bizneseve të vlerësojnë vendin e tyre të punës për rreziqet që mund të jenë unike për ta.

3.      Trajnoni stafin për sigurinë:

Siguria në vendin e punës fillon me trajnimin e stafit tuaj për të bërë gjërat siç duhet. Sigurohuni që biznesi juaj të ketë një plan të qartë për futjen e punonjësve të rinj që përfshin trajnime dhe protokolle sigurie, si dhe një sistem për të verifikuar që ata e kanë mësuar atë.

4.      Mirëmbani pajisjet:

Punonjësit tuaj kanë të drejtë të përdorin pajisje dhe makina që janë të sigurta. Sigurohuni që çdo pajisje e nevojshme për të bërë biznes inspektohet dhe mirëmbahet rregullisht dhe që punonjësve u kërkohet të raportojnë çdo dëmtim ose riparim të nevojshëm.

5.      Jepni përparësi ndihmës së parë:

Pavarësisht se sa i sigurt është vendi juaj i punës, nuk mund të parandaloni gjithçka. Biznesi juaj duhet të jetë i pajisur me furnizimet bazë të ndihmës së parë dhe që punonjësit të dinë se si t’i aksesojnë dhe t’i përdorin ato.

6.      Zbatoni pushimet e nevojshme:

A e dini se lodhja mund të jetë shkaku kryesor i aksidenteve në punë? Kur jemi të lodhur, kemi më shumë gjasa të bëjmë gabime të thjeshta dhe aftësitë tona ulen. Edukoni punonjësit tuaj për rreziqet e punës kur janë të lodhur dhe zbatoni pushimet e nevojshme gjatë orarit të punës.

7.      Planifikoni Emergjencat:

Asnjë pronar biznesi nuk dëshiron të mendojë se do t’i ndodhë një zjarr i madh, fatkeqësi kombëtare ose sulm i sigurisë kibernetike. Por kalimi i suksesshëm i ngjarjeve të rralla, por jo të padëgjuara, varet nga paramendimi serioz se mund të ndodhin dhe më pas planifikimi i një përgjigjeje efektive. Përveçse keni një plan, merrni kohë për të bërë një test testimi se si do t’i përgjigjeshit emergjencave të zakonshme, si zjarri ose përmbytja, me stafin tuaj.

Për çdo pyetje të sigurimit në lidhje me biznesin, telefononi ose kontaktoni duke klikuar këtu.

The post Bizneset e vogla: Si të punojmë të sigurtë appeared first on Albsig.

Cilat janë qëndrimet tuaja kryesore rreth projektligjit “Për fondet e pensionit privat”, të hedhur për konsultim publik nga Autoriteti i Mbikëqyrjes Financiare?

Siç jeni në dijeni ligji aktual “Për fondet e pensionit vullnetar” është miratuar në fund të vitit 2009 dhe nuk ka pasur ndryshime që nga ajo kohë. Që nga miratimi i ligjit tregu i pensioneve private ka pasur zhvillime të ngadalta, megjithatë në vitet e fundit është vërejtur që kërkesa për sigurimin e një pensioni privat në Shqipëri ka ardhur gjithnjë në rritje. Ligji aktual për kohën kur është miratuar ka shërbyer si një shtysë e arsyeshme për personat që përveç pensionit shtetëror të kishin edhe një pension plotësues. Kohët e fundit është vërejtur që stimujt që ligji aktual jep për anëtarët e fondeve të pensionit janë të pamjaftueshme për një pjesë të gjerë të anëtarëve potencial, prandaj nga shoqëritë administruese të fondeve të pensionit por edhe nga anëtarët potencial është kërkuar me ngulm hartimi i një ligji të ri që do ishte i përafruar me standardet e aplikuara në Bashkimin Evropian, më konkretisht direktivën IORP II, por megjithatë duke marrë parasysh kërkesat dhe kushtet e Shqipërisë.

Projektligji “Për fondet e pensionit privat” i nxjerrë për konsultim publik nga Ministria e Financave dhe Ekonomisë dhe nga Autoriteti i Mbikëqyrjes Financiare (AMF) është hartuar nga kjo e fundit dhe gjatë periudhës shtator – tetor 2021 janë dërguar opinione paraprake nga shoqëritë administruese të fondeve të pensionit si dhe ka pasur diskutime dhe takime paraprake teknike për përmirësimin dhe përshtatje më të mirë të këtij projektligji.

Përsa i përket variantit të projektligji të nxjerrë për konsultim publik është e rëndësishme të theksohet së në përgjithësi ka sjellë disa përmirësime në trajtimin e disa problematikave në administrimin e fondeve, ofron një kategorizim të ri të fondeve të pensionit, rrit pragun e përjashtimit nga tatimi për të ardhurat personale duke e lidhur atë me pagën minimale, propozon tatimin vetëm për kthimin nga investimi në momentin e tërheqjes së fondeve në formë pensioni, por nga ana tjetër shton disa kërkesa të reja për shoqëritë administruese që do rezultojë në kosto për implementimin e tyre.

Më konkretisht, sipas projektligjit fondet ndahen në fonde me pjesëmarrje të hapura dhe fonde me pjesëmarrje të mbyllur, kjo e fundit është një nga risitë e propozuara në këtë projektligj. Fondet me pjesëmarrje të mbyllur do të krijohen vetëm për punëmarrësit e subjekteve që mund të jenë disa punëdhënës ose një entitet i organizuar si bashkim punëdhënësish, sindikatë apo bashkim sindikatash. Fondi me pjesëmarrje të mbyllura do i dedikohet vetëm këtyre subjekteve dhe nuk do të akomodojë në këtë fond subjekte të tjera. Projektligji të gjitha këto subjekte i përcakton si “sponsor”, kjo në përputhje dhe me direktivën e Bashkimit Evropian. Ndërsa fondet me pjesëmarrje të hapur do t’u ofrohen të gjithë anëtarëve që nuk janë pjesë e një sponsori, siç funksionojnë fondet me ligjin aktual.

Një ndryshim shumë i rëndësishëm është tatimi vetëm për kthimin nga investimi në momentin e tërheqjes së fondeve në formë pensioni, duke qenë se interesat nuk janë tatuar gjatë fazës së akumulimit, dhe rritja e tavanit të kontributeve për të përfituar nga zbritshmëria e tatimit mbi të ardhurat personale si dhe lidhja e kësaj të fundit me pagën minimale të miratuar në shkallë vendi. Këto janë disa ndryshime që shoqëritë administruese por edhe anëtarët aktuale e potencial të fondeve të pensioneve kanë kërkuar për një kohë të gjatë.

Tatimi vetëm për kthimin nga investimi në momentin e tërheqjes së fondeve në formë pensioni nënkupton që pavarësisht se anëtarët do kenë përjashtuar kontributin e tyre nga tatimi për të ardhurat personale gjatë viteve të akumulimit ata do paguajnë tatim vetëm për interesat e marra nga investimi i këtyre kontributeve dhe jo më për të gjithë shumën siç është aktualisht. Përsa i përket përfitimit nga përjashtimi i kontributeve nga tatimi mbi të ardhurat personale nënkupton që punëmarrësi do të mund të paguaj 30,000 lekë në muaj, sa paga minimale aktuale, në një fond pensioni privat dhe ky kontribut të zbritet nga tatimi mbi të ardhurat personale dhe deklarimet tatimore mujore. Një faktor i rëndësishëm është propozimi që ky përjashtim nga tatimi të jetë sa paga minimale që do të thotë që me rritjen e pagës minimale edhe ky përjashtim nga tatimi do të rritet.

Nga ana tjetër nëse punëdhënësi do të kontribuojë për punëmarrësit e tij, kontributi i bërë nga ky punëdhënës do të njihet si shpenzim i njohur për efekt të llogaritjes së tatimit mbi fitimin deri në shumën e barabartë me pagën minimale vjetore të miratuar në shkallë vendi. Kjo nënkupton që edhe punëdhënësit do të mund të paguajnë 30,000 lekë në muaj në një fond pensioni privat për çdo punëmarrës dhe ky kontribut të njihet si shpenzim i njohur për efekt të llogaritjes së tatimit mbi fitimin.

Duhet theksuar fakti që projektligji propozon shtimin e disa kërkesa të reja për transparencën ndaj klientëve, të cilat vlerësojmë që përmirësojnë mënyrën e paraqitjes dhe gamën e informacioneve për klientët, megjithatë edhe aktualisht shoqëritë administruese ofrojnë një informacion transparent dhe të plotë për anëtarët. Këto kërkesa shtesë për transparencën do shtojnë kostot për implementimin e tyre në sistemet informatike të shoqërive administruese duke rënduar mbi gjendjen financiare të këtyre shoqërive, prandaj është e nevojshme një analizë më e thelluar për kosto-përfitimet që sjellin këto kërkesa të propozuara në projektligj.

Projektligji parashikon rritjen e pragut të përjashtimit nga tatimi për kontributet, në vlerën e pagës minimale ligjore, si edhe shtrirjen e tatimit në përfitim vetëm mbi kthimet nga investimi. Mendoni se këto incentiva janë të kënaqshme dhe të mjaftueshme për t’i bërë më atraktive fondet private të pensioneve?

Ashtu siç u theksua më sipër, projektligji parashikon rritjen e pragut të përjashtimit nga tatimi për kontributet si nga punëmarrësi apo individi ashtu edhe nga punëdhënësi si dhe lidhje e këtij përjashtimi me vlerën e pagës minimale. Gjithashtu projektligji parashikon shtrirjen e tatimit në përfitim vetëm mbi kthimet nga investimi duke qenë se interesat nuk janë tatuar gjatë fazës së akumulimit.

Ne vlerësimin tonë këto iniciativa të propozuara në këtë projektligj janë të kënaqshme por të pamjaftueshëm për t’i bërë më tërheqëse fondet private të pensioneve. Themi që këto ndryshime janë të kënaqshme duke parë që ka përmirësime të dukshme në lidhje me rritjen e pragut të përjashtimit nga tatimi mbi të ardhurat personale për anëtarin dhe për punëdhënësin, në rastet e skemave të përbashkëta. Por nga ana tjetër vlerësojmë si të pamjaftueshme pasi nga ana e shoqërive administruese u propozua përjashtimi i plotë nga tatimi në momentin e përfitimit të pensionit, ndërkohë që u vendos të propozohej tatimi në përfitim vetëm mbi kthimet nga investimi. Për më tepër që shqetësimi që anëtarët kanë për dhënien e një sigurie juridike për mbajtjen e pandryshuar të normës së tatimit mbi kthimet nga investimi në momentin e tërheqjes së pensionit, nuk u pasqyrua në projektligjin e nxjerrë për konsultim.

Për ta përmbledhur, vlerësojmë që iniciativat e ndërmarra në projektligj do të ndikojnë dukshëm në shtimin e anëtarëve në fondet e pensionit ekzistuese apo të reja që do krijohen, megjithatë nuk do japë zgjidhje përfundimtare problemeve të pensioneve në Shqipëri pasi mendojmë që ka ardhur momenti për të gjetur forma të tjera për stimulimin e fondeve të pensionit privat duke realizuar një kombinim ndërmjet bërjes së detyrueshme të pensioneve private, sidomos për kategori të caktuara punësh apo profesione të caktuara, dhe njëkohësisht duke dhënë stimuj monetar për këdo që anëtarësohet në fonde pensioni privat.

Besoni se ndryshimet e parashikuara në politikat e investimit krijojnë hapësira për të përmirësuar kthimet e fondeve të pensionit? Cilat janë risitë më domethënëse, në këndvështrimin tuaj dhe a mund të sugjeroni ndryshime të tjera, veç atyre që propozon AMF?

Projektligji propozon zgjerimin e gamës së instrumenteve financiare ku fondet e pensionit privat mund të investojnë asetet e tyre, kuptohet duke parashikuar dhe kufizime përkatëse. Një nga risitë që mund të ketë një ndikim pozitiv në periudhën afatshkurtër është mundësia e fondeve të pensionit për të investuar në tituj borxhi të emetuara nga bankat që nuk janë të pranuara për tregtim në një treg të rregulluar. Megjithatë investimi në këto instrumente nuk duhet të tejkalojë 5% të vlerës së aseteve të fondit të pensionit në total si dhe nuk duhet të investohen më tepër se 2% të vlerës së aseteve të fondit, të emetuara nga një emetues i vetëm.

Është e rëndësishme të theksohet se në ligjin aktual parashikohen hapësira të mjaftueshme për investimin e aseteve në instrumente të tjerë përveç titujve të emetuara dhe garantuara nga Qeveria e Republikës së Shqipërisë, siç investojnë të gjitha fondet e pensionit aktualisht në treg. Problemi në këtë rast është tregu i vogël i pensioneve private si dhe kërkesa e ulët e anëtarëve për marrjen e rreziqeve me të larta kundrejt një kthimi më të lartë për fondet e tyre të pensionit. Një tjetër rrezik që do të shtohen në rastin e investimeve të fondeve të pensionit jashtë Republikës së Shqipërisë do të ishte dhe rreziku i kursit të këmbimit duke qenë se të ardhurat do jenë kryesisht në monedhën vendase lekë ndërsa investimet do kryheshin në monedhat Euro apo USD.

Me rritjen e tregut të pensioneve private dhe veçanërisht me gjetjen e mekanizmave të duhur për aktivizimin e shtyllës së dytë të pensioneve, përveç diferencimit nëpërmjet kostove të aplikuara, shoqëritë administruese do gjejnë mënyra për ofrimin në tregun e fondi i pensionit që do kenë kthime të ndryshme kundrejt rreziqeve që shoqëron çdo fond.

Në kushtet aktuale të fondeve të pensionit parashikojmë që edhe për një periudhë afatmesme fondet e pensionit me një politikë investimit në obligacione të Shtetit Shqiptar do vijojë të jetë një alokim i përshtatshëm për anëtarët aktual dhe potencial, të cilët janë shumë të ndjeshëm ndaj riskut, dhe duan që kursimet e tyre për pension ti çojnë në investime të sigurta në treg. Gjithashtu obligacionet afatgjata të emetuara dhe garantuara nga Qeveria e Republikës së Shqipërisë ofrojnë një normë të mirë interesi në krahasim me alternativat e tjera që ofrohen në vend për kursim. Me shtimin e anëtarëve dhe volumeve të kontributeve shoqëritë administruese mund të mendojnë hapjen e fondeve të reja me politika investimi me rrezik më të lartë dhe padyshim me kthime më të larta.

The post Fondi i Pensionit Albsig appeared first on Albsig.

Makinat elektrike po pushtojnë botën dhe kompanitë e mëdha kanë bërë zotime bindëse në lidhje me prodhimin e mjeteve motorike elektrike në të ardhmen.

Jaguar planifikon të shesë vetëm makina elektrike duke filluar nga viti 2025, Volvo nga viti 2030, General Motors nga viti 2030. Ford thotë se të gjitha makinat e shitura në Europë do të jenë elektrike nga viti 2030 dhe Volkswagen thotë se 70% të shitjeve do të jenë elektrike deri në 2030-ën. Këta janë vetëm disa nga prodhuesit e mëdhenj të makinave, por shumë të tjerë do të ndjekin shembullin e tyre në tregun e të ardhmes, i cili do të zëvendësojë motorin me djegie të brendshme për t’ia lënë vendin automjeteve që do të ndihmojnë planetin të marrë frymë më lirisht.

Tesla ishte e para kompani e suksesshme që arriti të prodhojë makinat elektrike me bateri të fuqishme për distanca të gjata dhe motor me kosto të përballueshme për konsumatorët, në misionin e saj për të përshpejtuar tranzicionin në energji të qëndrueshme. Shembullin e saj e ndoqën me dhjetra kompani të tjera prodhuese të automjeteve elektrike si Waymo, Uber, Lucid Motors, etj., duke e çuar në mbi 10,000,000 numrin e makinave elektrike që ecin sot nëpër rrugët e botës.

Pavarësisht se Shqipëria është treg i vogël në krahasim me ata botërorë, nevoja për makinë me më pak shpenzime dhe që mbron mjedisin mund të jetë më e madhe se në vende të tjera ku standardi ekonomik dhe përgjegjësia ndaj mbrojtjes së mjedisit janë në nivele më të larta.

Tek ne, revolucioni ka nisur me transportin publik, falë projektit të Bashkisë së Tiranës, “Tirana Green City” në vitin 2017, kur hynë në qarkullim taksitë elektrike dhe mjetet elektrike të transportit publik; si pjesë e një nisme objektivi i të cilës është pakësimi i ndotjes së ajrit, energjia e rinovueshme dhe riciklimi duke promovuar përdorim më të efektshëm të burimeve.

Historia na ka mësuar se inovacioni nis ngadalë e më pas kap ritme marramendëse me gjithmonë e më shumë njerëz që përqafojnë teknologjinë dhe përfitimet shtesë që ajo sjell. Kështu ndodhi me internetin, me celularët, madje dhe me antibiotikët. E njëjta gjë pritet të ndodhë dhe me makinën e elektrike, e cila po fiton gjithmonë e më shumë terren dhe na bën më optimistë për një të ardhme më të gjelbër.

The post Makinat elektrike – Revolucioni i radhës appeared first on Albsig.

Zgjedhim të ecim bashkë, me vlerat që na bashkojnë, duke u bërë bashkëudhëtarë të jetës tuaj, në të gjitha drejtimet!

Jemi të lumtur të ndajmë me ju, dhurimin tonë modest në mbjelljen e pemëve në zonën e Liqenit Artificial, nismë kjo, në bashkëpunim me Bashkinë Tiranë, duke kontribuar sado pak në cilësinë e shëndetit të secilit prej nesh!

Prej vitesh në treg, kemi vërtetuar se jemi partneri që ecën krah jush, për ta bërë jetën tuaj një vend më të sigurt e të qetë, përmes gamës së shërbimeve që ofrojmë.
E megjithatë, donim të shkonim përtej kësaj.

Jo vetëm jetën, pronën, njerëzit, por kishim si qëllim të bëheshim nismëtarë në sigurimin e një pjese të mushkërisë së qytetit, e si rrjedhojë edhe të shëndetit të çdo qytetari të Tiranës.

Falenderojmë Z. Erion Veliaj për këtë nismë.
Të lumtur, që kontributi i Albsig bën të mundur të bëhemi shembull që qyteti të mund të marrë frymë lirisht, pak më shumë çdo ditë.

The post Kontributi i Albsig, në mbjelljen e pemëve në Tiranë. appeared first on Albsig.

Ka shumë shoqëri sigurimi, kështu që zgjedhja midis tyre mund të jetë një sfidë. Këtu janë të listuara kriteret që përbëjnë diferencën dhe që duhet të keni parasysh kur zgjidhni një Shoqëri Sigurimi:

1. Liçensimi

Albsig është një Shoqëri Sigurimi e themeluar në vititn 2004, e cila operon sipas liçensës të lëshuar nga Autoriteti Mbikëqyrjes Financiare (“AMF”), për tregtimin e policave të përgjithshme të sigurimit sipas rregullave të AMF-së në territorin e Shqipërisë.

2. Çmimi

Përpara se të merni një vedim duhet të informohemi sa më mirë. Kjo vlen dhe për shoqëritë e sigurmieve. Shumë shoqëri tregëtojnë produkte të ndryshme sigurimesh dhe çmimet ndryshojnë shumë nga njëra te tjetra, kështu që, a ia vlen vërtet të blini? Merrni të paktën tre kuota çmimesh nga Shoqëritë e Sigurimit, agjentë dhe nga interneti. Kështu do të bëni një studim tregu për llojin e sigurimit për të cilin do të jeni të interesuar. Në fund do të zgjidhni atë që ju përshtatet më mirë nevojave tuaja, me çmimin më të mirë.

3. Soliditeti Financiar

Ju siguroheni për t’u mbrojtur financiarisht dhe për të siguruar qetësi mendore. Zgjidhni një shoqëri që ka të ngjarë të jetë solide në treg, e shëndoshë financiarisht për shumë vite, e cila ka edhe vlerësime nga agjensitë e pavarura të vlerësimit. ALBSIG, e autorizuar që në Shtator të vitit 2004, u shërben klientëve të saj nëpërmjet një rrjeti të konsoliduar shitjesh i shtrirë në të gjithë Shqipërinë.

4. Shërbimi

Shoqëria juaj e sigurimit dhe përfaqësuesit e saj duhet t’u përgjigjen pyetjeve tuaja dhe t’i trajtojnë kërkesat tuaja në mënyrë të drejtë, efikase dhe shpejt. Ju mund të kuptoni nëse një Shoqëri Sigurimi i ka këto veti duke folur me klientët e tjerë që kanë përdorur një shoqëri ose agjent të caktuar. Ju gjithashtu mund të dëshironi të kontrolloni “reviews” nëse ka shumë ankesa për shoqërinë me të cilën dëshironi të siguroheni.

5. Qetësia

Ju duhet të ndiheni të qetë me blerjen e një sigurimi të caktuar, pavarësisht nëse e blini atë nga një agjent lokal, drejtpërdrejt nga shoqëria, përmes telefonit apo internetit. Sigurohuni që agjenti ose shoqëria do të jetë e lehtë për t’u arritur nëse keni një pyetje ose keni nevojë të paraqisni një kërkesë.

Besimi i klientit në aftësinë për të përmbushur detyrimet ndaj tij, përbën bazën e suksesit për shoqërinë e sigurimit Albsig. Dinamizmi është fenomeni kryesor që përshkruan ALBSIG në aspektin e shërbimit të klientit. ALBSIG ka punuar vazhdimisht që proceset e klientëve të saj të jenë sa më efikase dhe të shpejta, duke përfshirë modernizimin dhe optimizimin e të gjitha proceseve, si dhe duke ofruar shërbime shumë cilësore.

The post Shoqëri Sigurimi: Kriteret që Bëjnë Diferencën? appeared first on Albsig.

Na lejoni ne te Albsig t’ju ndihmojmë të mbroni pronën ku jetoni dhe pasuritë e tjera të paluajtshme. Ka dy lloje politikash sigurimi, që mund të zgjidhni për të siguruar pronën tuaj:

• Sigurimi nga vjedhja
• Sigurimi nga zjarri dhe rreziqet shtesë

Sigurimi nga Vjedhja

Ky sigurim është i domosdoshëm, për të gjithë shtëpitë, zyrat dhe pasuritë e tjera. Ne nuk                                                                                                                                                                                  mund ta parashikojmë nëse mund të na ndodhë diçka e tillë apo kur do të na ndodhi? Shumë njerëz mund të thonë, që: “Unë e kam siguruar pronën time me kamera dhe roje, asgjë nuk mund të më ndodhë.” Ekperienca na ka treguar që fatkeqësisht dhe me ato sisteme sigurimi bizneset dhe shtëpitë përsëri vidhen dhe për të qenë plotësisht të sigurt duhet sigurimi nga vjedhja.

Albsig i ofron sigurimin nga vjedhja, çdo personi juridik apo fizik, që kërkon të sigurojë pajisjet dhe sendet shtëpiake, mallrat, objektet e vlefshme, sendet me vlerë, etj.

Sigurimi nga vjedhja mbron pronarin nga humbjet, dëmtimi dhe shkatërrimi i objekteve të sigurura.

Sigurimi nga Zjarri dhe Rreziqet Shtesë

Rreziku nga zjarri është një rrezik shumë i lartë që i kanoset çdo prone. Prona juaj mund të digjet nga zjarri prej ndonjë aksidenti të shkaktuar nga ju, nga shkaqe natyrore si rrufeja, përmbytjet ose tërmeti. Ky sigurim ju mbron ju dhe familjen tuaj nga këto rreziqe duke bërë që ju mos të humbisni asgjë nga prona juaj dhe në raste të tilla fatkeqësie.

Sigurimi i pronës jo vetëm, që ju mbron nga humbja e pasurive të paluajtshme, sendeve dhe mallrave, por ju mbron dhe psikologjikisht, pasi prej sigurimit të pronës ju mund të flini të qetë dhe të sigurtë. Kjo për arsye, sepse në çdo rast ju dhe familja juaj jeni të mbrojtur.

Sigurimit nga zjarri mund t’i shtoni dhe mbulim nga rreziqe të tjera shtesë, si sigurimi nga përmbytja, stuhia, breshëri dhe tërmeti. Rreziqe, të cilat kohët e fundit në Shqipëri duket se po shtohen. Sigurimi nga tërmeti ju mbron ju dhe familjen tuaj të mos mbeteni të pastrehë, në raste tërmeti dhe ju mbulon rikonstrukturimin e shtëpisë.

Albsig prej vitesh ndodhet pranë jush, duke ju mbrojtur dhe duke ofruar politika sigurimi, të cilat kanë si qëllim mbrojtjen e aseteve tuaja. Qëndroni të sigurtë fizikisht dhe psikolgjikisht, mbrojini pasuritë tuaja me sigurim prone dhe sigurim të pasurive të paluajtshme me Albsig.

Nëse akoma jeni në mëdyshje nëse duhet ta mbroni pronën tuaj apo jo, informohuni më shumë me agjentët tanë. Mund të na kontaktoni nëpërmjet email-it, telefonit, duke plotësuar formën e kontaktit, ose të na vizitoni në zyrat tona, ku ne do të jemi më se të lumtur t’ju informojmë më shumë rreth politikave të sigurimit, sigurimit të pronës dhe sigurimit të pasurive.

The post Sigurimi i Pronës: Ku dhe Si? appeared first on Albsig.

Blerja e llojit dhe sasisë së duhur të sigurimit përcaktohet gjithmonë nga situata juaj specifike. Faktorë të tillë si fëmijët, mosha, mënyra e jetesës dhe përfitimet e punës luajnë një rol kur ndërtoni portofolin tuaj të sigurimeve. Ekzistojnë, megjithatë, tre llojet e sigurimit që shumica e ekspertëve financiarë rekomandojnë që ne të gjithë të kemi: jetën, shëndetin dhe makinën.

Sigurimi i Jetës

Përfitimet më të mëdha të sigurimit të jetës përfshijnë aftësinë për të mbuluar shpenzimet tuaja të varrimit dhe për të siguruar ata që lini pas. Kjo është veçanërisht e rëndësishme nëse keni një familje që varet nga paga juaj për të paguar faturat. Ekspertët e industrisë sugjerojnë një politikë të sigurimit të jetës që mbulon 10 herë të ardhurat tuaja vjetore, por ky është një numër që jo të gjithë mund ta përballojnë.

Kur vlerësoni sasinë e mbulimit të sigurimit të jetës që ju nevojitet, mos harroni të merrni parasysh jo vetëm shpenzimet e funeralit, por edhe shpenzimet e përditshme të jetesës. Këto mund të përfshijnë pagesat e hipotekës, huatë e papaguara, borxhin e kartës së kreditit, taksat, kujdesin për fëmijët dhe kostot e ardhshme të universitetit.

Ka dy lloje themelore të sigurimit të jetës: Sigurimi i jetës tradicionale dhe jetës me terma.

 E shpjeguar thjesht, sigurimi i jetës tradicionale mund të përdoret si një mjet i të ardhurave, si dhe një instrument sigurimi. Për sa kohë që vazhdoni të paguani primet mujore, e gjithë jeta juaj është e siguruar. 

Jeta me terma, nga ana tjetër, është një politikë që ju mbulon për një kohë të caktuar. Ka dallime të tjera të konsiderueshme midis dy llojeve të sigurimeve, kështu që ju mund të dëshironi të kërkoni këshillën e një eksperti financiar para se të vendosni se cila është më e mira për ju. Faktorët që duhen marrë parasysh përfshijnë moshën tuaj, profesionin dhe numrin e fëmijëve që keni.

Sigurimi i Shëndetit

Statistikisht, ju dhe familja juaj jeni vetëm një sëmundje serioze larg falimentimit. 

Mos lejoni që ju dhe familja juaj të vuani financiarisht dhe psikologjikisht nga sëmundje të papritura. 

Sigurimi i Makinës

Sipas statistikave nga Instat vetëm gjatë muajit gusht të vitit 2021 kanë ndodhur 134 aksidente rrugore. Me këto statistika është e rëndësishme të keni një sigurim për makinën tuaj. 

Nëse i jepni mjetit tuaj pa sigurim dhe ju ndodh një aksident, gjobat ndoshta do të jenë barra juaj më e vogël financiare. Nëse ju, një pasagjer, ose shoferi tjetër jeni lënduar në aksident, sigurimi i automjeteve do të mbulojë shpenzimet dhe do t’ju ndihmojë t’ju mbrojë nga çdo proces gjyqësor që mund të rezultojë nga aksidenti. Sigurimi i automjeteve gjithashtu mbron automjetin tuaj kundër vjedhjes, vandalizmit ose fatkeqësive natyrore, të tilla si një uragan ose incidente të tjera të lidhura me motin.

Përsëri, si me të gjitha sigurimet, rrethanat tuaja individuale do të përcaktojnë koston e sigurimit të automjeteve. Për t’u siguruar që merrni sigurimin e duhur për ju, krahasoni disa kuota tarifash dhe mbulimin e ofruar dhe kontrolloni periodikisht për të parë nëse kualifikoheni për tarifa më të ulëta bazuar në moshën tuaj, rekordin e drejtimit ose zonën ku jetoni.

Si përfundim 

Shumica e ekspertëve pajtohen se jeta, shëndeti, dhe sigurimi i automjeteve janë tre llojet e sigurimeve që duhet të keni. Nëse mendoni se sigurimi është i shtrenjtë, mospasja e tij është shumë më e kushtueshme.

The post 3 Llojet e Sigurimit që i Duhen të Gjithëve appeared first on Albsig.

Ndërsa kalojmë nëpër jetë, gjejmë një partner, krijojmë një familje dhe ndoshta fillojmë një biznes, rëndësia e sigurimit në një plan afatgjatë rritet.  Sigurimi ka rëndësi sepse ka të bëjë me sigurimin e një rrjeti sigurie financiare, që ju ndihmon të kujdeseni për veten dhe ata që doni kur keni më shumë nevojë.

5 arsye pse sigurimi ka rëndësi

Pse është i rëndësishëm sigurimi? Le të shohim 5 arsyet kryesore.

1. Mbrojtje për ju dhe familjen tuaj

Familja juaj varet nga mbështetja juaj financiare për të gëzuar një standard të mirë jetese, kjo është arsyeja pse sigurimi është veçanërisht i rëndësishëm pasi të filloni një familje. Kjo do të thotë që njerëzit që kanë më shumë rëndësi në jetën tuaj mund të mbrohen nga vështirësitë financiare nëse ndodh e papritura.

2. Reduktoni stresin në kohë të vështira

Asnjëri prej nesh nuk e di se çfarë qëndron rreth qoshes. Tragjedi të paparashikuara si sëmundja, dëmtimi ose paaftësia e përhershme, madje edhe vdekja – mund t’ju lënë ju dhe familjen tuaj përballë stresit të jashtëzakonshëm emocional, madje edhe pikëllimit. Me sigurimin në vend, ju ose stresi financiar i familjes suaj do të zvogëlohet dhe mund të përqendroheni në rimëkëmbjen dhe rindërtimin e jetës tuaj.

3. Për të gëzuar siguri financiare

Pavarësisht se cili është pozicioni juaj financiar sot, një ngjarje e papritur mund të zbulojë gjithçka shumë shpejt. Sigurimi ofron një pagesë në mënyrë që nëse ka një ngjarje të paparashikuar ju dhe familja juaj të vazhdoni të ecni përpara.

4. Paqja e mendjes

Asnjë shumë parash nuk mund të zëvendësojë shëndetin dhe mirëqenien tuaj – ose rolin që luani në familjen tuaj, por të paktën mund të keni qetësi duke e ditur se nëse ju ndodh diçka, siguria financiare e familjes suaj ndihmohet nga sigurimi.

5. Një trashëgimi për të lënë pas

Një përfitim i njëhershëm i vdekjes mund të sigurojë të ardhmen financiare për fëmijët tuaj dhe të mbrojë standardin e tyre të jetesës.
Këto janë 5 motive pse ju duhet të siguroheni, nëse akoma nuk jeni të siguruar, çfarë po prisni? Ofrojini vetes dhe familjes suaj siguri.

The post 5 arsye pse sigurimi është i rëndësishëm appeared first on Albsig.

Burimi: Vizional

Ndërgjegjësohet Tregu i Sigurimeve, dëmet pezull sa vijnë e pakësohen

Shoqëritë e sigurimeve sa vijnë e rrisin më shumë përgjegjshmërinë ndaj klientit duke shlyer në kohë detyrimet për dëmet e shkaktuara dhe duke zvogëluar sa më shumë dëmet pezull për shkak të problematikave që ato mbartin. Ky fenomen faktohet fare qartë nga të dhënat e bëra publike së fundmi nga Autoriteti i Mbikëqyrjes Financiare lidhur me tregun e Sigurimeve. Statistikat e Autoritetit të Mbikëqyrjes Financiare tregojnë se ulja  e numrit të dëmeve është reflektuar dukshëm këtë vit pasi nga 12.119 dëme pezull në vitin 2020 numri tyre është ulur në 10.140 për vitin 2021. Kjo ulje reflektohet dhe në vlerat monetare të dëmeve ku në vitin 2020 vlera e dëmeve pezull ishte  7,970,906 lekë  krahasuar me vitin 2021, ku vlera ëshëe ulur në 6,575, 688 lekë. Ndër kompanitë e sigurimeve e cila kryeson tregun me numrin më të vogël të dëmeve pezull është Albsig.sh.a. Kjo e fundit duket se ka edukuar tregun duke dhënë një shembull shumë pozitiv në procesin e dëmshpërblimeve të klientëve e sidomos me ngjarjet e dy tërmeteve të fundvitit 2019. Këtë proces transparent dhe në favor të klientit tashmë prej vitesh e hasim dhe e përfitojmë në Shoqërinë e Sigurimeve Albsig.sh.a, e cila ka ndikuar jo vetëm te klientët, por ka reflektuar dhe në arritjet e shoqërisë për periudhën e deritanishme.  Për shumë vite Albsig është shoqëria e sigurimeve e para në treg që orienton dhe edukon konsumatorët rreth produkteve vullnetare. Nga statistikat e publikuara nga buletini i AMF-së Albsig.sh.a është përzgjedhur si kompania me përgjegjshmërine më të lartë ndaj shërbimeve ndaj klientit. Nga 550 dëme me vlerë 717 143 në vitin 2020 vit ku përfshihen ngjarjet madhore të tërmeteve, ka pësuar një ulje të konsiderueshme  në 2021, ku numri i dëmeve shkon në 317 dosje me vlerë 368, 544 lekë . Albsig këtë  vit krahasuar me vitin e kaluar ka një  rënie prej 233 dëmesh me vlerë 345, 599 lek (për miëe). Thënë ndryshe Albsig për vitin 2021 zë vetëm 5.60% të tregut për dëmet pezull krahasuar me 2020 që kishte 9.00 % të totalit të tregut. Këtë vit Albsig ka bërë një revulucion për të ulur në maksimum përqindjen e dëmeve pezull  ne treg ku nga statistikat këtë vit është ulur numri i dosjeve me 48.61%. Albsig rezulton të jetë në vend të parë përsa i përket numrit me të ulet të dëmeve pezull, krahasuar me një vit më parë, duke dëshmuar në këtë mënyrë me fakte reale dhe të monitoruara sipas standarteve të duhura edhe nivelin më të lartë të përgjegjshmërisë së shoqërisë në raport me shërbimin ndaj klientëve të saj. Albsig  në tabelën e mëposhtme (marre nga ëeb-faqja e AMF) është ilustruar me ngjyrë të verdhë, duket se numrin më të pakët të dëmeve pezull ku sipas përfaqësuesve të Albsig një pjesë e rëndësishme e këtyre dosjeve kanë mbetur pezull për shkak të vendimeve pezull të bashkive në rastin e ngjarjeve nga tërmeti.

Shoqëritë e sigurimeve duket se janë në garë me njëra- tjetrën për të ndergjegjesuar sadopak jo vetëm tregun por të gjithë konsumatorët ne përgjithësi. Ndërgjegjësimi sa vjen e rritet sidomos tek shifrat që sa vijnë e ulen për dëmet pezull. Njëkohësisht është verenjtur edhe tek kerkesat ne rritje qe shikohen per sigurimin e banesave në rast zjarri dhe rreziqet shtesë. Këto kërkesa u shtuan më së shumti pas përvojave të kaluara nga rënia e dy tërmeteve. “Kam një pervoje shumë  të mire me kompanine e sigurimeve Albsig. Mua mu dëmtua shtëpia nga tërmeti i nëntorit dhe unë përfitova dëmshpërblim të menjëhershëm. Jam befasuar nga skuadra e Albsig e cila menjëherë pas njoftimit të rastit të dëmit ishin të gatshëm për të na dëmshpërblyer në kohë rekord dhe kundrejt standarteve të duhura”, kështu u shpreh Engjellushe Hoxha. Kjo e fundit është një nga klientet e Albsig, e cila edhe pse ka shkëputur marrëdhëniet me bankën për efektin e mbylljes së kredisë ka siguruar apartamentin e saj në mënyrë vullnetare sepse vetëm ne rastin e tërmetit ka kuptuar vlerat e një kontrate sigurimi. Përveç tërmeteve një rol të rëndësishëm për ndërgjegjësimin e konsumatorëve ka luajtur dhe pandemia e covid19. Edhe kjo e fundit ka ndikuar në ndërgjegjesimin  e konsumatorëve për sigurimin nga shëndeti. Ky ndërgjegjesim duket fare qartë nga komentet e klientëve të Albsig ku shprehen shumë të sigurtë për marrëdhenien që ato kanë me kompanine. Albsig me marrëdhëniet që ka me klientët duket që po e orienton tregun drejt produkteve vullnetare dhe drejt marrëdhënieve korrekte në rast dëmshpërblimesh.

The post Dëmet pezull/Albsig me numrin me të vogël të dosjeve appeared first on Albsig.