Rreth Albsig

HISTORIA

Albsig sh.a. është themeluar në vitin 2004 si një shoqëri sigurimi me vendndodhje në Shqipëri. Albsig është një shoqëri aksionere me kapital të përbashkët, e regjistruar sipas Ligjit Shqiptar nr.7638, më datë 19 nëntor, 1992 “Për Shoqëritë Tregtare” dhe e regjistruar në Regjistrin Tregtar të Shqipërisë me vendim të Gjykatës së Rrethit të Tiranës, Nr. 28154, më datë 9 janar, 2004. Shoqëria jonë operon sipas liçensës së lëshuar nga Autoriteti i Mbikqyrjes Financiare (AMF), për tregtimin e policave të përgjithshme të sigurimit sipas rregullave të AMF-së në territorin e Shqipërisë. Autorizimi për të ndërmarrë aktivitetet e sigurimit të jo-jetës është marrë më datë 19 qershor, 2004, ndërsa liçensa që specifikon klasat e aktiviteteve është lëshuar më datë 10 shtator, 2004. Që prej vitit 2019, Albsig ofron produktet e reja të klasës 14 të jo-jetës "Sigurimi i kreditit".

Që prej vitit 2004, kemi ndërtuar biznesin rreth nevojave të klientëve, duke pasur në thelb vlerat e përbashkëta që na shoqërojnë çdo hap të punës. Si shoqëri aksionere me kapital të përbashkët, pjesë e GRUPIT Kastrati, shoqëria jonë ka shtrirë veprimtarinë e saj në të gjithë territorin e Shqipërisë falë cilësisë dhe shpejtësisë së shërbimit, duke u gjendur pranë klientëve me 28 degë, si dhe nëpërmjet bashkëpunimit me mbi 400 agjensi që operojnë në të gjithë territorin e Shqipërisë. Albsig ka një portofol me më shumë se 35 produkte sigurimi, gjë që na mundëson plotësimin e çdo nevoje të tregut të sotëm; që nga policat e sigurimit vullnetar të mjeteve motorike, sigurimi ndaj aksidenteve dhe zjarrit, e deri tek sigurimi i përgjegjësive për biznese të vogla, të mesme e të mëdha.