I nderuar përdorues,

Të gjitha të dhënat e përfshira në faqen e internetit të Albsig www.albsig.al i nënshtrohen ligjit nr.124/2024 “Për mbrojtjen e të dhënave personale” (dhe amendimeve të tij në të ardhmen). Mbledhja e të dhënave bëhet nëpërmjet formave të ndryshme (punësim, kërkesa për informacion, trajtim dëmesh, etj.). Plotësimi i këtyre të dhënave është vullnetar. Albsig siguron të gjithë përdoruesit se mbledhja e të dhënave dhe përpunimi i tyre do të kryhet vetëm për arsyen për të cilën janë dërguar dhe garanton konfidencialitetin e të dhënave.

Duke përdorur faqen www.albsig.al, si Përdorues i saj, Ju konfirmoni vërtetësinë e të gjithë të dhënave të plotësuara prej jush, në format apo formularë të ndryshëm. Me plotësimin e çdo forme apo formulari dhe shtypjen (click-imin) e butonit “pranoj”, përdoruesi pranon dhe jep të drejtën Albsig për përdorimin dhe përpunimin e brendshëm, vetëm për qëllimin e kërkuar nga përdoruesi, të informacioneve të plotësuara si dhe procesimin e mëtejshëm të tyre nga Albsig, në përputhje me legjislacionin në fuqi.

Të gjitha të dhënat personale, të mbledhura dhe të ruajtura në bazat e të dhënave të Albsig do të përpunohen nga punonjësit e shoqërisë. Albsig trajton me konfidencialitet të plotë këto të dhëna dhe siguron se asnjë e dhënë nuk do t’i kalohet palëve të treta, si dhe se çdo e dhënë do të përdoret vetëm për qëllimin që është dërguar, përveç kur kjo është në përmbushje të një detyrimi ligjor të lidhur me veprimtarinë e sigurimit ose në kuadër të përmbushjes se detyrimeve që burojnë nga kontrata e sigurimit.

Të dhënat do të ruhen në mjedise të sigurta dhe aksesi në to është i kufizuar. Çdo subjekt i të dhënave ka të drejtë të kërkojë korrigjimin ose fshirjen e të dhënave kur bëhet e ditur se të dhënat rreth tij nuk janë të rregullta, të vërteta, të plota ose janë përpunuar dhe mbledhur në kundërshtim me dispozitat ligjore. Kur përdoruesi kërkon një ndryshim të të dhënave të tij personale ose vëren ndonjë shkelje, duhet të kontaktojë menjëherë Albsig në adresën e email-it [email protected] ose në një nga formularët tanë të kontaktit.

Albsig zbaton parimet e privaësisë dhe mbrojtjes së të dhënave personale.

Mbledhja e të dhënave personale. Albsig mbledh vetëm të dhëna personale, të nevojëshme për administrimin e kontratës të sigurimit, për dhënien e shërbimeve të klientit, për ofrimin e produkteve apo shërbimeve të reja, bazuar në ligjet në fuqi (Ligji Nr.124/2024, “Për mbrojtjen e të dhënave personale”.

Përpunimi i të dhënave personale. Albsig përpunon të dhënat tuaja personale në mënyrë të drejtë dhe vetëm për ato qëllime që ju ka informuar në momentin e nënshkrimit të kontratës të sigurimit, dhe ato që janë pasojë direkte e zbatimit të ligjit në kuadër të veprimtarisë së shoqërisë Albsig në lidhje me atë kontratë sigurimi. Në këtë kontest, përpunimi sipas rastit bazohet në:

• Realizimin e kontratës së sigurimit dhe proceseve të lidhura me të,
• zbatimin e një detyrimi ligjor,
• Interesin legjitim të Albsig (i parashikuar në ligj),
• Pëlqimin e shprehur nga subjekti i të dhënave personale.

Për përpunimin e bazuar eksluzivisht në pëlqimin e tuaj si subjekt i të dhënave, Ju mund të kundërshtoni ose revokoni pëlqimin sipas ligjit Nr.124/2024, “Për mbrojtjen e të dhënave personale”, (Neni 7-Kriteret ligjore për përpunimin, Neni 9 – Përpunimi i të dhënave sensitive).

Pëlqimi i përdorimit të të dhënave personale për qëllime marketingu. Albsig ju jep mundësinë e autorizimit të përdorimit të të dhënave personale për qëllime marketingu, (produktet dhe shërbimet e reja të ofruara nga Albsig ose palë të treta që veprojnë në emër të saj sipas ligjit në fuqi). Ju mund të revokoni pëlqimin në çdo kohë për këtë lloj përpunimi të të dhënave tuaja, me një email të thjeshtë në [email protected].

Standartet e përpunimit të të dhënave. Albsig përdor teknologji të përshtatshme dhe trajnon punonjësit me njohuri të mjaftueshme teknike dhe siguron integritet personal që ata të jenë të aftë të përpunojnë të dhënat tuaja personale me shpejtësi dhe saktësi, bazuar në ligjet në fuqi. Ju gjithashtu keni të drejtë në çdo kohë të na informoni për ndonjë gabim të të dhënave dhe të kërkoni korrigjimin e tyre.

Kufizimi kohor i përdorimit të të dhënave. Albsig përpunon të dhënat për një afat jo më shumë se sa është e nevojshme, përveç kur parashikohet ndryshe nga ligji në fuqi. Albsig nuk mban të dhënat tuaja personale më shumë sesa afati maksimal prej 10 vjetësh nga përfundimi i kontratës së sigurimit apo trajtimit të dëmit.

Siguria dhe konfidencialiteti i të dhënave. Albsig do të mbajë të dhënat tuaja personale konfidenciale dhe do të lejojë aksesin në të dhënat tuaja personale vetëm tek punonjësit apo bashkëpunëtorët tanë që ngarkohen nga ne për kryerjen e veprimtarive të nevojshme për qëllime të sigurimit. Albsig respekton dhe aplikon standartet e industrisë së sigurimeve dhe përdor masa të arsyeshme administrative, teknike dhe fizike të sigurisë për të mbrojtur të dhënat tuaja personale nga aksesi i paautorizuar apo i paligjshëm, përdorimi, shkatërrimi, modifikimi apo përhapja e tyre, apo humbja aksidentale. Albsig kërkon dhe garanton të njëjtat standarte të larta të sigurisë të së dhënave nga palët e treta, të cilat ajo ngarkon për të përpunuar të dhënat tuaja personale në emër të saj;

Shpërndarja e të dhënave, Albsig mund të shpërndajë të dhënat tuaja personale me institucione shtetërore, apo subjekte private vetëm në kuadër të përmbushjes së veprimtarisë së shoqërisë së sigurimit, sipas dispozitave konkrete ligjore në fuqi, (një auditues ligjor apo organ shtetëror), apo një ofrues shërbimi, nën garancinë për mbrojtjen e të dhënave personale tuajat ashtu siç dhe vetë Albsig, dhe vetëm për arsye të përmbushjes së detyrimeve ligjore apo të kontratës së sigurimit. Albsig mund të shpërndajë të dhënat tuaja personale palëve të treta të cilat veprojnë në emër të saj dhe nën udhëzimet e saj për informimin tuaj për produkte dhe shërbime dhe vetëm pasi ka marrë aprovimin tuaj paraprakisht, aprovim ose pëlqim që mund ta tërhiqni lirisht në ëdo kohë më një email të thjeshtë pranë [email protected].

Transferimi ndërkombëtar i të dhënave. Albsig mund të transferojë jashtë shtetit për qëllime të sigurimit dhe të dëmshpërblimit në sigurime. Të dhënat transferohen vetëm në përputhje me legjislacionin në fuqi. (Ligji nr.124/2024 “Për mbrotjen e të dhënave personale”, nenet 39-40).

Përgjegjësia e Albsig. Albsig dhe personat e ngarkuar nga shoqëria përpunojnë të dhënat personale në përputhje me këto parime dhe ligjin e zbatueshëm. Albsig kryen periodikisht trajnime edhe rishikime të përputhshmërisë së saj me këto parime. Punonjësit që shkelin këto parime mund përballen me procedime disiplinore apo penaliteteve përkatëse ose ndërprejes së kontratave të shërbimit. Punonjësit apo personat e ngarkuar raportojnë shkeljen e këtyre parimeve tek drejtuesit e tyre, Departamenti i Burimeve Njerëzore dhe Departamenti Ligjor, si dhe pranë çdo departamenti tjetër kompetent.

E drejta e fshirjes së të dhënave. Si subjekt i të dhënave, Ju keni të drejtë të kërkoni fshirjen e të dhënave tuaja personale kur ato nuk janë më të nevojshme për qëllimet për të cilat janë mbledhur, kur është tërhequr pëlqimi, ose kur përpunimi është i paligjshëm, nëse verifikohet një gjë e tillë.
Ju keni të drejtë që të dhënat personale tuaja që keni dhënë me pëlqim ose për përmbushjen e një kontrate, dhe përpunimi kryhet me mjete automatike, Ju keni të drejtën t’i merrni ato nga kontrolluesi në një format të strukturuar, të përdorur gjerësisht dhe të lexueshëm nga pajisjet dhe t’i transferoni pa pengesa, ose të kërkoni transferimin nga ne direkt nëse kjo është e mundur, te një kontrollues tjetër.

Përdorimi i cookies. Faqja zyrtare e Albsig përdor cookies për të përmirësuar përvojën tuaj si përdorues. Ju informojmë për përdorimin e cookies dhe ju informojë se keni mundësi të zgjedhni mbi aktivizimin ose çaktivizimin e tyre.

Nëpunësi për Mbrojtjen e të Dhënave (NMDH) pranë Albsig. Për çdo shqetësim në lidhje me privatësinë dhe mbrojtjen e të dhënave personale, subjektet mund të kontaktojnë Nëpunësin për Mbrojtjen e të Dhënave (NMDH) pranë Albsig në adresën e emailit: [email protected]. Ju mund t’i drejtoheni NMDH për të kërkuar informacion lidhur me përpunimin e të dhënave tuaja, politikat e Albsig, qëllimin e përpunimit, masat e sigurisë, detaje mbi kategorinë apo mënyrën e përpunimit dhe çdo informacion tjetër që mund ta konsideroni të nevojshëm, lidhur me të drejtat tuaja, dhe në përgjithësi këtë Politikë të Privatësisë. Informacioni do t’ju jepet brenda 30 ditëve nga paraqitja e kërkesës.

Nëse keni një ankesë që Albsig ka shkelur këto parime dhe nëse keni tentuar në mirëbesim për të zgjidhur ankesën përmes shërbimit të klientit apo Nëpunësit për Mbrojtjen e të dhënave, sipas ligjit Nr.124/2024 “Për mbrojtjen e të dhënave personale” (Neni 86), mund të ankoheni edhe drejtëpërdrejt tek Komisioneri për të Drejtën e Informimit dhe Mbrojtjen e të Dhënave Personale (Komisioneri), në adresën:

Rr. “Abdi Toptani”, Nd. 5, Tiranë.
Tel +35542237200
Email: [email protected]

Albsig do t’i përmbahet përfundimeve të Komisionerit, duke rezervuar të drejtën për të paraqitur pretendimet , kundërshtuar apo ankimuar gjetjet, sipas ligjit.