Skip to content

Njoftime për Privatesinë për Produktet Online

NJOFTIM PËR PRIVATËSINË

PËR PËRPUNIMIN E TË DHËNAVE PERSONALE NË KUADËR TË BLERJES ONLINE TË PRODUKTEVE TË SIGURIMIT

  1. QËLLIMI DHE FUSHA E ZBATIMIT

ALBSIG sh.a. (“ALBSIG”, “Shoqëria”, “ne” ose “na”) respekton dhe mbron privatësinë e individëve dhe angazhohet të përpunojë të dhënat personale në përputhje me legjislacionin në fuqi për mbrojtjen e të dhënave personale.

Ky Njoftim për Privatësinë shpjegon mënyrën se si ALBSIG sh.a. mbledh, përdor, ruan dhe përpunon të dhënat personale të individëve që vizitojnë dhe përdorin platformën online për blerjen e produkteve të sigurimit, të aksesueshme në adresën web.albsig.al, si dhe të individëve që aplikojnë për, kërkojnë informacion mbi ose blejnë produkte sigurimi nëpërmjet kësaj platforme.

Ky Njoftim për Privatësinë zbatohet për të dhënat personale të përpunuara gjatë procesit të:

  • zgjedhjes dhe kërkimit të informacionit për produktet e sigurimit;
  • paraqitjes së një kërkese ose aplikimi për sigurim;
  • plotësimit të formularëve elektronikë;
  • llogaritjes së primit, kur është e aplikueshme;
  • lidhjes dhe administrimit të kontratës së sigurimit;
  • kryerjes së pagesës për produktin e sigurimit;
  • gjenerimit dhe dërgimit elektronik të dokumentacionit të sigurimit;
  • komunikimit me klientin në lidhje me kërkesën, aplikimin ose policën e sigurimit.

Ky Njoftim për Privatësinë nuk zëvendëson informacionin specifik që mund t’i jepet subjektit të të dhënave në momentin e mbledhjes së të dhënave për një qëllim të veçantë ose në kuadër të një produkti të caktuar sigurimi.

Kontrolluesi i të Dhënave Personale

Kontrolluesi i të dhënave personale të përpunuara në kuadër të Platformës është:

  • ALBSIG sh.a.
  • Adresa: Bulevardi Bajram Curri, Albsig HQ, Tiranë, Shqipëri, 1010, Kati 16 dhe 17
  • E-mail: [email protected]
  • Faqja zyrtare e internetit: www.albsig.al
  • Platforma për blerjen online të produkteve të sigurimit: web.albsig.al
  • Nëpunësi për Mbrojtjen e të Dhënave Personale: [email protected]

Për çdo pyetje, kërkesë ose shqetësim lidhur me përpunimin e të dhënave personale, mund të kontaktoni ALBSIG ose Nëpunësin për Mbrojtjen e të Dhënave Personale në adresat e kontaktit të përcaktuara më sipër.

 2. ÇFARË TË DHËNA PERSONALE MBLEDHIM?

Në varësi të produktit të sigurimit të përzgjedhur, fazës së procesit të blerjes online dhe shërbimit të kërkuar, ALBSIG mund të mbledhë dhe përpunojë kategoritë e mëposhtme të të dhënave personale:

2.1. Të dhëna identifikuese

Këto mund të përfshijnë:

  • emrin dhe mbiemrin;
  • datën e lindjes;
  • numrin personal të identifikimit;
  • gjininë;
  • numrin dhe të dhënat e dokumentit të identifikimit, kur kërkohet;
  • shtetësinë ose të dhëna të tjera identifikuese, kur janë të nevojshme për produktin përkatës të sigurimit.

2.2. Të dhëna kontakti

Këto mund të përfshijnë:

  • numrin e telefonit;
  • adresën e e-mail-it;
  • adresën e banimit ose të korrespondencës, kur kërkohet.

2.3. Të dhëna që lidhen me produktin e sigurimit

Në varësi të produktit të sigurimit të përzgjedhur, ALBSIG mund të përpunojë të dhëna që lidhen me:

  • personin ose personat e siguruar;
  • objektin, pasurinë ose interesin që sigurohet;
  • automjetin ose mjetin e transportit;
  • udhëtimin, destinacionin dhe periudhën e udhëtimit;
  • territorin, zonën dhe kohëzgjatjen e mbulimit të sigurimit;
  • karakteristikat dhe rrethanat e nevojshme për vlerësimin e rrezikut;
  • të dhëna të tjera të nevojshme për përcaktimin e kushteve dhe primit të sigurimit.

2.4. Të dhëna që lidhen me kërkesën, aplikimin dhe kontratën e sigurimit

Këto mund të përfshijnë:

  • informacionin e dhënë gjatë plotësimit të formularëve elektronikë;
  • produktin e sigurimit të përzgjedhur;
  • informacionin e nevojshëm për përpunimin e kërkesës ose aplikimit;
  • informacionin që lidhet me llogaritjen e primit;
  • të dhënat që lidhen me lidhjen dhe administrimin e kontratës së sigurimit;
  • numrin dhe informacionet që lidhen me policën e sigurimit, pasi ajo të jetë lëshuar.

2.5. Të dhëna që lidhen me pagesën

Në kuadër të procesit të blerjes online, ALBSIG mund të përpunojë të dhëna që lidhen me kryerjen dhe verifikimin e pagesës për produktin e sigurimit, përfshirë informacionin mbi:

  • statusin e pagesës;
  • shumën e paguar;
  • datën dhe orën e transaksionit;
  • referencën ose identifikuesin e transaksionit;
  • informacione të tjera të nevojshme për administrimin dhe verifikimin e pagesës.

2.6. Të dhëna teknike dhe të përdorimit të Platformës

Gjatë përdorimit të Platformës, mund të mblidhen automatikisht disa të dhëna teknike dhe të përdorimit, të tilla si:

  • adresa IP;
  • lloji dhe versioni i shfletuesit;
  • sistemi operativ;
  • data dhe ora e aksesimit;
  • të dhëna mbi ndërveprimet me Platformën;
  • regjistrime teknike dhe log-e të sistemit;
  • të dhëna të tjera të nevojshme për funksionimin, sigurinë dhe administrimin e Platformës.

2.7. Kategori të veçanta të të dhënave personale

Në rast se, për shkak të natyrës së produktit të sigurimit ose shërbimit të kërkuar, është e nevojshme të përpunohen kategori të veçanta të të dhënave personale, ALBSIG do t’i përpunojë këto të dhëna vetëm në rastet dhe sipas kushteve të parashikuara nga legjislacioni në fuqi.

3. PSE I PËRPUNOJMË TË DHËNAT TUAJA DHE MBI ÇFARË BAZE?

ALBSIG përpunon të dhënat personale vetëm për qëllime të përcaktuara, të qarta dhe të ligjshme, si dhe vetëm kur ekziston një bazë ligjore për përpunimin e tyre.

3.1. Për përpunimin e kërkesës ose aplikimit për sigurim

Të dhënat personale përpunohen për të:

  • marrë dhe shqyrtuar kërkesën ose aplikimin për sigurim;
  • identifikuar personin që kërkon produktin e sigurimit;
  • vlerësuar informacionin e nevojshëm për ofrimin e produktit përkatës;
  • ndërmarrë veprimet e nevojshme që i paraprijnë lidhjes së kontratës së sigurimit.

Baza ligjore: ndërmarrja e hapave që i paraprijnë lidhjes së kontratës, me kërkesën e subjektit të të dhënave.

3.2. Për llogaritjen e primit dhe ofrimin e produktit të sigurimit

Të dhënat personale mund të përpunohen për:

  • vlerësimin e rrezikut;
  • përcaktimin e kushteve të sigurimit;
  • llogaritjen e primit;
  • përgatitjen dhe paraqitjen e ofertës;
  • ofrimin e produktit të sigurimit të përzgjedhur.

Baza ligjore: ndërmarrja e hapave që i paraprijnë lidhjes së kontratës, me kërkesën e subjektit të të dhënave dhe, sipas rastit, ekzekutimi i kontratës.

3.3. Për lidhjen dhe administrimin e kontratës së sigurimit

Pas përfundimit të procesit të blerjes, ALBSIG përpunon të dhënat personale për:

  • lidhjen dhe ekzekutimin e kontratës së sigurimit;
  • lëshimin e policës së sigurimit;
  • administrimin e marrëdhënies kontraktore;
  • komunikimin me klientin në lidhje me policën dhe mbulimin e sigurimit;
  • përmbushjen e detyrimeve që rrjedhin nga kontrata e sigurimit.

Baza ligjore: ekzekutimi i kontratës së sigurimit, ku subjekti i të dhënave është palë.

3.4. Për përpunimin dhe verifikimin e pagesave

Të dhënat personale mund të përpunohen për:

  • realizimin dhe verifikimin e pagesës për produktin e sigurimit;
  • administrimin e transaksionit;
  • verifikimin e statusit të pagesës;
  • identifikimin dhe trajtimin e problematikave që mund të lindin gjatë procesit të pagesës.

Baza ligjore: ekzekutimi i kontratës dhe ndërmarrja e veprimeve të nevojshme për përfundimin e procesit të blerjes.

3.5. Për përmbushjen e detyrimeve ligjore dhe rregullatore

ALBSIG mund të përpunojë të dhënat personale për të përmbushur detyrimet që i ngarkohen nga legjislacioni në fuqi, përfshirë detyrimet që lidhen me:

  • veprimtarinë e sigurimeve;
  • detyrimet kontabël dhe fiskale;
  • ruajtjen e dokumentacionit;
  • kërkesat e autoriteteve kompetente;
  • detyrimet e tjera ligjore dhe rregullatore që i zbatohen ALBSIG.

Baza ligjore: përmbushja e një detyrimi ligjor të cilit i nënshtrohet ALBSIG.

3.6. Për garantimin e sigurisë dhe funksionimit të Platformës

Të dhënat teknike dhe të përdorimit të Platformës mund të përpunohen për:

  • garantimin e funksionimit dhe sigurisë së Platformës;
  • parandalimin dhe identifikimin e aksesit ose përdorimit të paautorizuar;
  • zbulimin dhe menaxhimin e incidenteve të sigurisë;
  • mbrojtjen e sistemeve dhe infrastrukturës teknologjike;
  • administrimin dhe mirëmbajtjen teknike të Platformës.

Baza ligjore: interesi i ligjshëm i ALBSIG për garantimin e sigurisë, integritetit dhe funksionimit të Platformës dhe sistemeve të saj.

3.7. Për mbrojtjen e të drejtave dhe interesave ligjore

Kur është e nevojshme, ALBSIG mund të përpunojë të dhënat personale për:

  • parandalimin dhe zbulimin e mashtrimeve ose veprimeve të paligjshme;
  • zgjidhjen e mosmarrëveshjeve;
  • paraqitjen, ushtrimin ose mbrojtjen e pretendimeve ligjore.

Baza ligjore: interesi i ligjshëm i ALBSIG për mbrojtjen e të drejtave dhe interesave të saj ligjore.

3.8. Për komunikime marketingu

Nëse keni dhënë pëlqimin përkatës, ALBSIG mund të përdorë të dhënat tuaja të kontaktit për t’ju dërguar informacione mbi:

  • produkte dhe shërbime sigurimi;
  • oferta dhe promocione;
  • produkte të reja;
  • komunikime të tjera marketingu.

Dhënia e pëlqimit për qëllime marketingu është vullnetare dhe mosdhënia e tij nuk ndikon në mundësinë për të përdorur Platformën ose për të blerë një produkt sigurimi.

Ju mund ta tërhiqni pëlqimin në çdo kohë, pa cenuar ligjshmërinë e përpunimit të kryer përpara tërheqjes së tij.

4. NGA I MARRIM TË DHËNAT DHE A JANË ATO TË DETYRUESHME?

Në përgjithësi, ALBSIG i mbledh të dhënat personale drejtpërdrejt nga ju gjatë përdorimit të Platformës, plotësimit të formularëve elektronikë dhe procesit të aplikimit ose blerjes së një produkti sigurimi.

Në varësi të produktit të sigurimit dhe natyrës së shërbimit të kërkuar, ALBSIG mund të marrë ose verifikojë të dhëna edhe nga burime të tjera të ligjshme, kur kjo është e nevojshme dhe lejohet nga legjislacioni në fuqi.

Dhënia e disa të dhënave personale është e nevojshme për shqyrtimin e kërkesës ose aplikimit për sigurim, llogaritjen e primit, lidhjen dhe ekzekutimin e kontratës së sigurimit ose përmbushjen e detyrimeve ligjore.

Në rast se nuk jepen të dhënat e kërkuara dhe të nevojshme për këto qëllime, ALBSIG mund të mos jetë në gjendje të:

  • përpunojë kërkesën ose aplikimin tuaj;
  • ofrojë produktin e sigurimit të kërkuar;
  • lidhë ose ekzekutojë kontratën e sigurimit;
  • përmbushë detyrimet që rrjedhin nga marrëdhënia kontraktore ose legjislacioni në fuqi.

Të dhënat që kërkohen për qëllime marketingu ose për qëllime të tjera që bazohen në pëlqimin tuaj janë vullnetare.

5. KUJT MUND T’I KOMUNIKOHEN TË DHËNAT TUAJA?

ALBSIG mund t’u komunikojë të dhënat personale vetëm personave ose subjekteve që kanë nevojë t’i përpunojnë ato për qëllimet e përcaktuara në këtë Njoftim dhe në përputhje me legjislacionin në fuqi.

Në varësi të produktit të sigurimit dhe shërbimit të kërkuar, të dhënat personale mund t’u komunikohen:

5.1. Punonjësve dhe strukturave të autorizuara të ALBSIG

Të dhënat mund të aksesohen nga punonjësit dhe strukturat e autorizuara të ALBSIG vetëm në masën që është e nevojshme për kryerjen e detyrave të tyre.

5.2. Ofruesve të shërbimeve dhe përpunuesve të të dhënave

ALBSIG mund të angazhojë palë të treta që ofrojnë shërbime në emër dhe për llogari të saj, përfshirë:

  • ofrues të shërbimeve të teknologjisë së informacionit;
  • ofrues të shërbimeve të mirëmbajtjes dhe administrimit të Platformës;
  • ofrues të shërbimeve të hostimit dhe infrastrukturës teknologjike;
  • ofrues të shërbimeve të pagesave;
  • ofrues të shërbimeve të komunikimeve elektronike;
  • konsulentë, auditorë ose ofrues të tjerë të shërbimeve profesionale.

Këto palë veprojnë, kur është e aplikueshme, në cilësinë e përpunuesve të të dhënave personale dhe përpunojnë të dhënat vetëm në përputhje me udhëzimet e ALBSIG dhe detyrimet kontraktore dhe ligjore për mbrojtjen e të dhënave personale.

5.3. Autoriteteve dhe institucioneve kompetente

ALBSIG mund t’u komunikojë të dhënat personale autoriteteve publike, rregullatore ose institucioneve të tjera kompetente, kur një komunikim i tillë kërkohet ose lejohet nga legjislacioni në fuqi.

5.4. Subjekteve të tjera

Në varësi të produktit të sigurimit dhe shërbimit të kërkuar, të dhënat mund t’u komunikohen subjekteve të tjera vetëm kur kjo është e nevojshme për:

  • lidhjen ose ekzekutimin e kontratës së sigurimit;
  • ofrimin e shërbimit të kërkuar;
  • përmbushjen e një detyrimi ligjor;
  • mbrojtjen e të drejtave dhe interesave ligjore të ALBSIG ose të palëve të treta.

ALBSIG nuk i shet të dhënat personale të klientëve.

6. SA KOHË I RUAJMË DHE KU MUND TË TRANSFEROHEN TË DHËNAT TUAJA?

6.1. Ruajtja e të dhënave personale

ALBSIG i ruan të dhënat personale vetëm për aq kohë sa është e nevojshme për përmbushjen e qëllimeve për të cilat ato janë mbledhur dhe përpunuar.

Periudha e ruajtjes përcaktohet duke marrë në konsideratë, ndër të tjera:

  • kohëzgjatjen e marrëdhënies kontraktore;
  • natyrën dhe qëllimin e përpunimit;
  • detyrimet ligjore dhe rregullatore për ruajtjen e dokumentacionit;
  • afatet e parashkrimit të kërkesave ose pretendimeve;
  • nevojën për mbrojtjen ose ushtrimin e të drejtave ligjore të ALBSIG.

Pas përfundimit të periudhës së ruajtjes, të dhënat personale do të fshihen, anonimizohen ose ruhen vetëm në masën dhe për periudhën që kërkohet ose lejohet nga legjislacioni në fuqi.

6.2. Transferimi i të dhënave personale

ALBSIG synon që të dhënat personale të përpunohen dhe ruhen në përputhje me kërkesat e legjislacionit shqiptar për mbrojtjen e të dhënave personale.

Në rast se, për shkak të përdorimit të ofruesve të shërbimeve, infrastrukturës teknologjike ose rrethanave të tjera të nevojshme për ofrimin e shërbimeve, të dhënat personale transferohen jashtë territorit të Republikës së Shqipërisë, ALBSIG do të sigurojë që transferimi të kryhet vetëm në përputhje me kushtet dhe garancitë e parashikuara nga legjislacioni në fuqi.

Kur është e nevojshme, ju mund të kërkoni informacion shtesë mbi transferimin ndërkombëtar të të dhënave personale duke kontaktuar ALBSIG ose Nëpunësin për Mbrojtjen e të Dhënave Personale.

7. SI I MBROJMË TË DHËNAT TUAJA DHE A PËRDORIM VENDIMMARRJE TË AUTOMATIZUAR?

7.1. Siguria e të dhënave personale

ALBSIG zbaton masa teknike dhe organizative të përshtatshme për të mbrojtur të dhënat personale nga:

  • aksesi i paautorizuar;
  • humbja ose shkatërrimi i paautorizuar;
  • ndryshimi ose zbulimi i paautorizuar;
  • përdorimi ose përpunimi i paligjshëm.

Masat e zbatuara përshtaten në varësi të natyrës së të dhënave dhe rreziqeve që lidhen me përpunimin e tyre.

7.2. Vendimmarrja e automatizuar

Platforma mund të përdorë procese të automatizuara për kryerjen e funksioneve teknike, si llogaritja e primit, përpunimi i informacionit të dhënë gjatë aplikimit ose gjenerimi i dokumentacionit të sigurimit.

Në rast se ALBSIG përdor vendimmarrje të automatizuar, përfshirë profilizimin, që prodhon efekte juridike ose ndikon në mënyrë të konsiderueshme te subjekti i të dhënave, ju do të informoheni në mënyrë të përshtatshme për:

  • ekzistencën e një procesi të tillë;
  • logjikën e përgjithshme të përpunimit;
  • rëndësinë dhe pasojat e mundshme të tij për ju;
  • të drejtat dhe garancitë që ju njihen sipas legjislacionit në fuqi.

8. CILAT JANË TË DREJTAT TUAJA DHE SI MUND T’I USHTRONI ATO?

Në përputhje me legjislacionin në fuqi për mbrojtjen e të dhënave personale, ju mund të keni të drejtë të:

  • kërkoni informacion mbi përpunimin e të dhënave tuaja personale;
  • kërkoni akses në të dhënat personale që përpunohen për ju;
  • kërkoni korrigjimin ose plotësimin e të dhënave të pasakta ose të paplota;
  • kërkoni fshirjen e të dhënave personale, kur plotësohen kushtet e parashikuara nga legjislacioni;
  • kërkoni kufizimin e përpunimit, kur plotësohen kushtet ligjore;
  • kundërshtoni përpunimin në rastet e parashikuara nga legjislacioni;
  • tërhiqni pëlqimin tuaj në çdo kohë, kur përpunimi bazohet në pëlqim, pa cenuar ligjshmërinë e përpunimit të kryer përpara tërheqjes së tij;
  • përfitoni të drejtat që lidhen me vendimmarrjen e automatizuar dhe profilizimin, kur këto janë të aplikueshme;
  • paraqisni ankesë pranë autoritetit kompetent mbikëqyrës.

Si mund t’i ushtroni të drejtat tuaja?

Për ushtrimin e të drejtave ose për çdo pyetje që lidhet me përpunimin e të dhënave personale, mund të kontaktoni:

Ose

ALBSIG do t’i trajtojë kërkesat tuaja në përputhje me afatet dhe procedurat e përcaktuara nga legjislacioni në fuqi.

E drejta për të paraqitur ankesë

Nëse vlerësoni se përpunimi i të dhënave tuaja personale nuk është kryer në përputhje me legjislacionin në fuqi, keni të drejtë të paraqisni ankesë pranë:

Komisionerit për të Drejtën e Informimit dhe Mbrojtjen e të Dhënave Personale

Adresa: Rr. “Abdi Toptani”, Nd. 5, Tiranë
Tel.: +355 42 23 7200
E-mail: [email protected]

Informacioni aktual i kontaktit i Komisionerit publikohet në faqen zyrtare të institucionit.