Zgjedhja e një plani sigurimi shëndetësor mund të jetë e ndërlikuar. Njohja e disa gjërave mund ta bëjë më të thjeshtë. Ky artikull do t’ju udhëzojë përmes faktorëve kryesorë që duhen marrë parasysh kur zgjidhni planin e duhur të sigurimit shëndetësor për ju dhe familjen tuaj.

Rëndësia e zgjedhjes së planit të duhur të sigurimit shëndetësor

1. Kuptoni nevojat tuaja

Vlerësoni historinë tuaj mjekësore, kushtet e vazhdueshme dhe nevojat e mundshme në të ardhmen
Merrni parasysh nevojat e anëtarëve të familjes tuaj nëse jeni duke zgjedhur një plan familjar
Llogaritni shpenzimet tuaja të pritshme mjekësore për vitin e ardhshëm

2. Mbulimi i barnave me recetë

Vlerësoni formulën e planit (lista e medikamenteve të mbuluara)
Kontrolloni për çdo kufizim ose kërkesë paraprake për autorizim
Merrni parasysh nëse mjekimet tuaja të rregullta mbulohen dhe me çfarë kostoje

3. Përfitimet dhe Shërbimet Shtesë

Programet e mirëqenies, kujdesi parandalues dhe ekzaminimet
Vizioni dhe mbulimi dentar
Telemjekësia dhe opsionet e kujdesit virtual

4. Konsideroni buxhetin tuaj

Balanconi midis primeve mujore dhe kostove të mundshme nga xhepi
Vlerësoni aftësinë tuaj financiare për të mbuluar zbritjet dhe bashkëpagesat

5. Rishikoni dhe rivlerësoni çdo vit

Nevojat tuaja për kujdesin shëndetësor mund të ndryshojnë, ndaj rivlerësoni planin tuaj çdo vit
Krahasoni planin tuaj aktual me ofertat e reja gjatë regjistrimit të hapur
Përditësoni planin tuaj nëse rrethanat tuaja kanë ndryshuar

Përzgjedhja e një plani sigurimi shëndetësor kërkon shqyrtim të kujdesshëm të nevojave tuaja të kujdesit shëndetësor, situatës financiare dhe preferencave. Duke vlerësuar nevojat tuaja, duke kuptuar llojet e planeve, duke rishikuar mbulimin dhe kostot, dhe duke krahasuar opsionet, ju mund të bëni një zgjedhje të informuar që ju ofron mbulimin e nevojshëm mjekësor dhe qetësinë mendore. Mos harroni se sigurimi shëndetësor është një investim në mirëqenien tuaj dhe zgjedhja e planit të duhur mund të kontribuojë në sigurinë tuaj të përgjithshme shëndetësore dhe financiare. Kontaktoni me Albsig për të zgjedhur siguracionin shëndetësor ose bli online karten MED 

The post Si të zgjidhni një plan sigurimi shëndetësor? appeared first on Albsig.

Ka shumë arsye përse prindërit duhet të konsiderojnë policën Sigurimi Nga Aksidentet i Nxënësve Dhe Studentëve në fillim të vitit të ri shkollor dhe Albsig ju ndihmon të zgjidhni më të mirën për fëmijët tuaj.

Shëndeti dhe mirëqenia – përbërës themelorë të suksesit akademik

Qëllimi kryesor i policës Albsig për Sigurimin Nga Aksidentet të Nxënësve Dhe Studentëve, është që të ndihmojë nxënësit dhe studentët të vazhdojnë shkollën në shëndet të plotë dhe pa vështirësi financiare në mënyrë që të diplomohen dhe të përmbushin aspiratat e tyre në jetë dhe karrierë. Nxënësit dhe studentët pësojnë jo rrallë aksidente që pavarësisht kujdesit parandalues, s’mund të shmangen gjithmonë. Helmimi, sforcimi fizik dhe goditja nga dielli janë disa prej rreziqeve kryesore, të cilat mund të të kushtojnë dhe jetën. Sigurimi Nga Aksidentet i Nxënësve Dhe Studentëve mbulon të gjitha shpenzimet mjekësore të nevojshme në të gjitha qendrat mjekësore, si dhe dëmshpërblimin në rast paaftësimi, apo humbjeje të jetës.

Të sigurosh fëmijën kushton pak, por vlen shumë më tepër

Shpenzimet për të arsimuar fëmijën tuaj janë të mëdha, por gjithçka ju shpërblehet me njohuritë dhe aftësitë që fiton, duke u përgatitur të hyjë në jetë si individ. Sigurimi Nga Aksidentet i Nxënësve Dhe Studentëve nuk kushton shumë, por në të njëjtën kohë nuk ka të çmuar qetësia që ndjeni kur e dini se fëmija juaj do të marrë kujdesin më të mirë falë mbrojtjes financiare që ofron kjo policë. Albsig ju vjen në ndihmë duke ofruar policën e Sigurimit Nga Aksidentet i Nxënësve Dhe Studentëve me tarifa që nuk jua rëndojnë buxhetin e njëkohësisht me dëmshpërblimin më të shpejtë, duke mos ju braktisur në kohët më të vështira.

Kujdesuni me dashuri, por edhe me cilësi ndaj fëmijës suaj

Përbërësi thelbësor në rritjen e brezit të ri është dashuria dhe kujdesi prindëror që e shoqërojnë duke i dhënë kurajë e siguri në hapat e para të jetës. Por pamundësia ekonomike mund të bëhet pengesë e madhe në raste aksidentesh dhe shqetësimi shtohet edhe më shumë kur nuk mund t’i sigurosh fëmijës kujdesin më të mirë mjekësor për një shërim të shpejtë, apo lehtësim të kushteve të tij të jetesës në rast paaftësimi. Sigurimi Nga Aksidentet i Nxënësve Dhe Studentëve ofruar nga Albsig ju jep mundësinë e zgjedhjes së qendrave spitalore më të mira në vend dhe jashtë tij, duke garantuar shërbimin më cilësor mjekësor për fëmijën tuaj.

Jepini një siguri më shumë të ardhmes së fëmijës suaj në këtë vit të ri shkollor. Albsig ju ndihmon të zgjidhni mbulimin që ju përshtatet më shumë për fëmijën tuaj gjatë studimeve brenda apo jashtë vendit. Tashmë kemi lehtësuar dhe përshpejtuar blerjen e policave të sigurimit edhe me anë të shërbimit

Bli Online për studentët që shkojnë drejt shteteve të tjera, si dhe për paketat e sigurimeve shëndetësore për të gjithë familjen.

The post Sigurimi nga Aksidentet i Nxënësve dhe Studentëve appeared first on Albsig.

E pavarësisht se planifikimi i një udhëtimi mund të jetë argëtues për disa njerëz, është po aq stresues për disa të tjerë. Qoftë ky një udhëtim disa ditor, qoftë për një periudhë më të gjatë, janë shumë gjëra që duhen bërë gati dhe nganjëherë harron ato më të rëndësishmet! Sigurimi i shëndetit në udhëtim është një prej tyre. Edhe pse është mjaft i nevojshëm, mund të mbetet për në minutën e fundit, ndaj dhe Albsig ju vjen në ndihmë duke ju mundësuar blerjen Online të Sigurimit të Shëndetit në Udhëtim. Polica juaj e sigurimit bëhet e vlefshme brenda 24 orësh dhe për t’u pajisur me të, ju mjafton vetëm një mjet identifikimi!  Sigurimi i Shëndetit në Udhëtim Online , jo vetëm që ju nxjerr nga situata, por ka një sërë të mirash që nuk i kishit menduar.

1- Kushton më pak

Udhëtimet përbëjnë një shpenzim të konsiderueshëm për këdo dhe interneti sot ju mundëson të krahasoni çmime, dhe të gjeni ofertat më të mira; si për biletat e udhëtimit, hotelet dhe çdo aktivitet tjetër që keni planifikuar. E njëjta gjë vlen edhe kur blen Online Sigurimin e Shëndetit në Udhëtim. Duke shmangur kostot e proçedurave me anë të agjentëve dhe duke shkurtuar kohën e shërbimit, primi ulet pa ndryshuar asgjë në cilësinë e mbulimit të policës suaj.

2- Informohesh më shpejt

Zëre se e bëtë takimin me agjentin në rehatinë e divanit tuaj! Çdo informacion që duhet të merrni përpara se të blini policën dhe gjithçka tjetër që do të doni të dini mbi proçedurat, apo kompaninë që keni zgjedhur, e keni në një vend të vetëm. Faqja zyrtare e Albsig, ju informon për gjithçka dhe me hollësi. Dhe për të qenë të sigurt, operatori ynë Online është gjithmonë i gatshëm për t’ju udhëzuar në çdo hap.

3- Proçedurë e thjeshtë

S’keni pse të stresoheni më nga mendimi se do t’ju duhet të kryeni një proçedurë të gjatë aplikimi e dorëzimi dokumentacioni. Blerja Online e Sigurimit të Shëndetit në Udhëtim, kryhet me anë të një formulari tepër të thjeshtë dhe të kuptueshëm për të gjithë. Mjafton vetëm mjeti i identifikimit dhe karta me të cilën do të kryeni pagesën në internet.

4- S’ka rrezik ta humbasësh!

Gjatë një udhëtimi, gjërat që rrezikoni më shumë të humbisni, janë pikërisht ato më të rëndësishmet, sepse ju duhet t’i keni në dorë, apo në një vend lehtësisht të gjetshëm në çdo pikë kontrolli. Nëse blini Online Sigurimin e Shëndetit në Udhëtim nga Albsig, nuk rrezikoni më ta humbisni policën e sigurimit. Kopja elektronike ju dërgohet në adresën tuaj të e-mailit dhe e keni gjithmonë aty.

5- Mbroni mjedisin

Pavarësisht se shumica e njerëzve që zgjedhin të blejnë produkte dhe shërbime në internet ndikohen nga çmimet dhe kursimi i kohës, interneti ofron edhe një të mirë që po bëhet gjithmonë e më e rëndësishme dhe blerja Online e policave të sigurimit është një ndihmesë në mbrojtjen e planetit, pasi çdo gjë është elektronike, pa shpenzim letre!

6- Dëmshpërblim në kohë rekord

Ne urojmë që udhëtimet tuaja të jenë sa më të qeta e të mbara, por edhe në rast se ndodh diçka, nuk do t’ju lëmë të prisni gjatë. Albsig ju dëmshpërblen në kohë rekord dhe nuk ju lë të vuani financiarisht.

Edhe nëse udhëtimi s’bën pjesë në planet tuaja të afërta, mund të vizitoni platformën tonë të blerjes Online dhe të përfitoni të gjitha këto përparësi duke bërë cilindo sigurim që ju nevojitet.

The post Si të blejmë Online Sigurimin e Shëndetit në Udhëtim appeared first on Albsig.

Çfarë përfitojnë punonjësit?

Pavarësisht shërbimit mjekësor publik falas, në shumë raste, punonjësit zgjedhin të mos tregojnë kujdes parandalues ndaj problemeve të mundshme shëndetësore për shkak të radhëve të gjata, burokracive, apo për mungesë kushtesh. Polica e sigurimit shëndetësor të punonjësit është një përfitim i madh, veçanërisht për ata që nuk përballojnë dot ekonomikisht shtrimet emergjente në spital, dhe për më tepër përfshin kontrollin vjetor rutinë dhe shërbime të tjera që përmban paketa e sigurimit shëndetësor e zgjedhur nga kompania. Rrjeti spitalor i kompanisë së sigurimeve mundëson trajtim preferencial në qendrat më të mira mjekësore, duke e bërë punonjësin të ndihet edhe më i vlerësuar.

Çfarë përfiton kompania?

Çdo biznes ka nevojë për talente dhe profesionistë të kualifikuar që zhvillojnë dhe çojnë përpara kompaninë. Pavarësisht se sigurimi i shëndetit mund të mos jetë arsyeja kryesore që një punonjës të zgjedhë të punojë në kompaninë tuaj, është pa dyshim një nga arsyet më të rëndësishme dhe veçanërisht për qëndrimin afatgjatë në vendin e punës çka garanton edhe investimin tuaj. Shëndeti i mirë fizik dhe moral në kompani, rrit performancën dhe ju bën punëdhënës të besueshëm për stafin tuaj.

Përse Albsig është zgjedhja e duhur për bizneset?

Ne kemi ndërtuar një biznes të suksesshëm që është gjithmonë në rritje dhe jemi një shembull mjaft i mirë suksesi falë edhe vlerësimit dhe kujdesit që tregojmë ndaj çdo pjesëtari të stafit tonë. Përparësia që i japim klientëve dhe marrëdhënia e besimit që krijojmë me secilin prej tyre forcon në afatgjatësi bashkëpunimin me përfitime të qëndrueshme për klientët tanë.

Paketat e sigurimit të shëndetit Albsig janë të standardeve më cilësore dhe të përshtatura për çdo klient; qoftë biznes, qoftë individ. Shërbimi i shpejtë dhe kujdesi i veçantë që tregojmë ndaj klientëve tanë, na bën gjithmonë e më shumë zgjedhjen e parë dhe më të sigurt.

The post Sigurimi i shëndetit për bizneset – Përfitim i ndërsjellë appeared first on Albsig.

Polica Albsig ju shoqëron në të gjithë globin

Mund të jeni dashamirës sportesh ekstreme, i apasionuar pas ecjeve të gjata në natyrë, apo thjesht admirues arkitekture dhe arti. Jeni me shërbim pune dhe nxitoni të bëni gjithçka brenda kohës së kufizuar të qëndrimit, apo jeni një familje që keni planifikuar një larmi aktivitetesh argëtuese. Cilido qoftë qëllimi i udhëtimit tuaj, Albsig bën të mundur që shëndeti dhe kuleta juaj të jenë në duar të sigurta kudo që të shkoni. Me një mbulim deri në 10,000 Euro, polica e sigurimit të shëndetit në udhëtim Albsig shmang çdo humbje financiare nga sëmundje akute, aksidente apo riatdhesime urgjente, duke ju mundësuar të kërkoni shërbim mjekësor.

Urgjencat shëndetësore të rimbursueshme

Sigurisht që asnjë nuk ka dëshirë të mendojë më të keqen kur niset për një eksperiencë të bukur. Të gjithë do të preferonim ta shpenzonim kohën e përgatitjeve duke planifikuar sa më shumë zbavitje. Blerja e një police udhëtimi mund të duket e bezdisshme pasi mendon se gjasat që të të ndodhë diçka e keqe në aq pak ditë janë shumë të pakta dhe mendon se mund të mjaftohesh duke e blerë për ta pasur në xhep në pikat e kontrollit gjatë rrugës. Por shpesh herë dhe veçanërisht për shqiptarët, buxheti është mjaft i kufizuar, ndaj në rast të një urgjence të papritur mjekësore, gjendeni në një situatë që mund të jetë financiarisht e papërballueshme. Me Policën e Sigurimit të Shëndetit në Udhëtim Albsig, nuk do të keni nevojë të vononi kujdesin mjekësor që ju nevojitet.

Mbrojtje nga aksidentet –Të kujdesshëm dhe të përgjegjshëm

Çdo udhëtar niset me dëshirën për të krijuar çaste të paharrueshme, për të përjetuar aventura mbresëlënëse dhe secili zgjedh destinacionin e tij duke planifikuar në detaj çdo aktivitet argëtues, takim biznesi, apo vizitë tek miqtë dhe familjarët. Por si mund të planifikoni për aksidente që mund të ndodhin kudo dhe kurdo sado të kujdesshëm të tregoheni dhe në çast, ta gjeni veten të mbetur ngushtë në një vend të huaj? Frika nga të papriturat fatkeqe mund të errësojë edhe përvojën më të paharrueshme. Sigurimi i shëndetit në udhëtim Albsig, ju shpëton nga ankthi i pasigurisë duke ju mundësuar ndihmën mjekësore dhe riatdhesimin në rast emergjence.

Saktësia e dokumentacionit – Kusht Themelor

Keni zgjedhur destinacionin tuaj, keni planifikuar kohën e udhëtimit, keni rezervuar biletat, hotelin dhe keni piketuar vendet ku do të shkoni, restorantet që doni të provoni, madje edhe dyqanet ku do të bëni pazar. Keni shpenzuar gjithë kohën e nevojshme për t’i siguruar vetes dhe të dashurve tuaj përvojën dhe kushtet më të mira. Tani është koha të mendoni për t’u mbrojtur nga rreziqet dhe problemet e papritura që mund të prishin gjithçka. Zgjedhja e sigurimit në udhëtim dhe mirëinformimi mbi kushtet dhe udhëzimet e nevojshme që përmban polica juaj, është mbrojtja që ju duhet për të shijuar çdo çast pa shqetësim dhe frikë, por jo vetëm kaq. Mirëinformimi dhe saktësia e dokumentacionit janë themelore për vlefshmërinë e policës suaj të sigurimeve, ndaj kushtojini kohën dhe vëmendjen e duhur pa anashkaluar asgjë.

Masat që duhen marrë për të përfituar nga polica e sigurimit

Jeni duke shijuar udhëtimin tuaj të lumtur që më në fund jeni larguar nga stresi i përditshëm, lodhja dhe mjedisi monoton që shihni çdo ditë, ose keni shkuar për një takim pune të rëndësishëm. Papritur, ndodh ajo që nuk e prisnit dhe ju duhet të menaxhoni në kohë rekord një situatë të vështirë, në një vend të huaj. Jeni pajisur me policën e sigurimit të shëndetit në udhëtim dhe jeni të qetë, por duhet të kujdeseni që të ndiqni hapat e nevojshme për të përfituar siç duhet prej saj. Ja cilat janë disa nga masat kryesore që duhen marrë për të plotësuar kushtet e përfitimit nga polica juaj e udhëtimit.

-Merrni me vete të dhënat dhe numrat e kontaktit të policës së sigurimit dhe numrat e emergjencës.

-Nëse ndodh diçka gjatë udhëtimit, ruani faturat për gjithçka që ju duhet të paguani, që të mund të kërkoni dëmshpërblimin.

-Nëse është e mundur, kontaktoni me kompaninë e sigurimit përpara trajtimit mjekësor. Në rast pamundësie, njoftimi duhet të bëhet brenda 34 orëve.

-Sigurohuni që kërkesa për dëmshpërblim të bëhet brenda 10 ditëve nga kthimi në shtëpi.

Rastet kur kërkesa për dëmshpërblim refuzohet

Është e rëndësishme të mos nënvlerësoni asgjë kur është fjala për të siguruar shëndetin në udhëtim. Ju mund të niseni të qetë drejt destinacionit dhe në rastin e një situate të vështirë, shpenzoni deri në qindarkën e fundit të bindur se do të dëmshpërbleheni me të mbërritur në shtëpi. Por nuk ndodh gjithmonë kështu. Nëse s’merrni masat e duhura, kthimi në atdhe do t’ju përballë me një situatë edhe më të vështirë nga e cila mund t’ju duhet shumë kohë ta merrni veten. Më poshtë janë disa nga arsyet kryesore për të cilat mund t’ju refuzohet mbulimi i shpenzimeve në udhëtim.

-Mungesa e informacionit të saktë dhe të vërtetë në dokumentacion

-Sëmundje ekzistuese të padeklaruara

-Mangësi në faturat origjinale të shpenzimeve

Albsig – Shoku i duhur në udhëtim

Tarifat e policave të udhëtimit nuk janë aspak të kushtueshme, por mund të të kursejnë shuma të mëdha parash. Është vërtet një bezdi e vogël që të mbron nga telashe të mëdha dhe kur zgjedh një policë sigurimi Albsig, përfiton më shumë se një mbulim standard. Albsig ofron tashmë edhe mundësinë e blerjes online të policës suaj, duke ju lehtësuar më shumë mbrojtjen nga të papriturat gjatë udhëtimit. Polica e sigurimit të shëndetit në udhëtim Albsig do të thotë gjithashtu besim se çdo nevojë do të gjejë përgjigjen dhe zgjidhjen e duhur në kohë rekord. Shërbimi korrekt, integriteti dhe profesionalizmi i Albsig, ju bën të ndiheni të sigurt që në çastin e parë.

The post Udhëtoni të qetë në çdo destinacion me sigurimin e shëndetit në udhëtim nga Albsig appeared first on Albsig.

Dita Botërore e Shëndetit festohet çdo vit më 7 Prill për të përkujtuar përvjetorin e themelimit të Organizatës Botërore të Shëndetësisë (OBSH) në vitin 1948.

Çdo vit për këtë datë, zgjidhet një temë që nxjerr në pah një fushë me prioritet shqetësim për OBSH-në. Përballë pandemisë aktuale, një planeti të ndotur dhe rritjes të vazhdueshme të përhapjes së sëmundjeve, tema e Ditës Botërore të Shëndetit për vitin 2022 është Planeti ynë, Shëndeti ynë. Kjo thirrje nga PAHO, OBSH dhe partnerët, paraqet një mundësi unike për një rikuperim të gjelbër dhe të shëndetshëm nga pandemia COVID-19, që vendos shëndetin e individëve dhe planetit në qendër të veprimeve dhe nxit një lëvizje për të krijuar shoqëri të fokusuara. mbi mirëqenien.

Në dekadat e fundit, përmirësimet në shërbimet shëndetësore, mbrojtjen e mjedisit, zhvillimin ekonomik dhe faktorë të tjerë kanë çuar në përmirësime në shëndetin e njerëzve në të gjithë Rajonet Amerikane. Megjithatë, rreth një milion vdekje të parakohshme në vit i atribuohen rreziqeve mjedisore të njohura të shmangshme.

Ndotja e ajrit, uji i kontaminuar, kanalizimet joadekuate duke përfshirë menaxhimin e mbetjeve të ngurta, rreziqet që lidhen me disa kimikate të rrezikshme dhe ndikimet negative të ndryshimeve klimatike janë kërcënimet më urgjente mjedisore të shëndetit publik në Rajon. Këto kërcënime për shëndetin publik janë të komplikuara nga praktikat e dobëta të qeverisjes dhe pabarazitë e mundshme në shëndetësi, si dhe nga lidershipi, ekspertiza dhe burimet e kufizuara në sektorin e shëndetësisë.

Megjithatë, kjo temë e Planetit Tonë, Shëndeti ynë duhet të jetë një kujtesë e fuqishme për ne se zgjidhja e shumë prej këtyre çështjeve është përtej kompetencës ekskluzive të sektorit shëndetësor dhe, si pasojë, një përgjigje efektive do të kërkohej nga e gjithë qeveria si dhe qasjet e të gjithë shoqërisë.

Bashkohuni me ne në përkujtimin e Ditës Botërore të Shëndetit. Ne do të prezantojmë vizionin e Rajonit së bashku me histori frymëzuese nga vendet e Amerikës rreth veprimeve që ata po ndërmarrin për të ndërtuar një botë me ajër të pastër, ujë të sigurt dhe kanalizime, ku ushqimi i shëndetshëm është i disponueshëm për të gjithë, qytetet janë të jetueshme, ekonomitë janë rezistente ndaj klimës dhe të fokusuara në shëndetin dhe mirëqenien. Për më tepër, ata po kontribuojnë në një botë ku të gjithë njerëzit, përfshirë ata që jetojnë në situata të cenueshmërisë, mund të jetojnë më gjatë, më të lumtur dhe të lulëzojnë.

Për më shumë klikoni këtu.

The post Dita Botërore e Shëndetit – 7 Prill 2022 “Planeti ynë, shëndeti ynë” appeared first on Albsig.

Dimri është stina për të forcuar sistemin imunitar dhe për të ushqyer trupin tonë. Ngrënia e ushqimeve të ngrohta, gjumi i mirë dhe qëndrimi aktiv janë disa aspekte të rëndësishme për të qenë të shëndetshëm gjatë dimrit.

1. Ushqimi i shëndetshëm

Konsumimi i ushqimeve të ekuilibruara, duke përfshirë drithërat, mish pa dhjamë, peshk, shpendë, bishtajore, arra dhe fara, barishte dhe erëza, si dhe shumë fruta dhe perime të freskëta janë thelbësore për të forcuar sistemin imunitar. Ne gjithashtu mund të kemi një konsum optimal të ushqimeve të pasura me vitaminë C, pasi ajo ndihmon në forcimin e sistemit tonë imunitar dhe për të mbajtur trupin tonë të shëndetshëm.

2. Aktiviteti Fizik

Aktiviteti fizik është një aspekt i rëndësishëm për të mbajtur trupin në formë gjatë gjithë dimrit. Rutina e përditshme e jogës ose çdo lloj aktiviteti fizik do t’ju ndihmojë të forconi sistemin imunitar duke përmirësuar mbrojtjen kundër sëmundjeve sezonale si gripi dhe ftohja.

3. Problemet me lëkurën

Një ndër rreziqet e dimrit është dhe lëkura e dëmtuar. Moti i ftohtë dëmton lëkurën duke rezultuar në lëkurë të thatë dhe kruarje, buzë të plasaritura dhe thembra të çara. Kujdesi për lëkurën në dimër duhet të përfshijë hidratimin, aplikimin e kremrave mbrojtës nga dielli si dhe rritjen e marrjes së ujit.

4. Uji

Pini sasinë e nevojshme të ujit çdo ditë dhe qëndroni të hidratuar. Uji ndihmon në pastrimin e sistemit tonë dhe largimin e toksinave, bartjen e lëndëve ushqyese në qelizat e trupit si dhe ndihmon në balancimin e lëngjeve të trupit.

5. Gjumi

Gjumi është faktor i panegociueshëm për ruajtjen e shëndetit të mirë. Një sasi e mirë gjumi ndihmon në mbajtjen e sistemit imunitar të shëndetshëm, eliminon kortizolin, hormonin e stresit dhe djeg kalori.

6. Higjena

Mbajtja e një higjienë të mire gjatë stinës së dimrit, padyshim parandalon përhapjen në masë të viruseve. Lani duart shpesh, përdorni maskë në ambjente të populluara, dezifektoni dhe ajrosni ambjente ku rrini ose punoni, etj.

7. Kontrolloni rregullisht shëndetin tuaj

Masat paraprake të sezonit të dimrit përfshijnë mbajtjen e një kontrolli të rregullt shëndetësor. Meqenëse moti i ftohtë shkakton probleme shëndetësore si astma, gripi, dhimbja e fytit, nyjet e dhimbshme dhe rreziku i shtuar i sulmeve në zemër, pasi temperatura e ulët bën që presioni i gjakut të rritet, duke ushtruar më shumë presion në zemër. Kontrolli parandalues ​​shëndetësor është mënyra më e mirë për të mposhtur sëmundjet e dimrit dhe për të pasur shëndet të mirë edhe në mot të ftohtë. Të gjitha paketat e shëndetit Albsig përmbajnë falas një kontroll Check-Up. Ju mendoni për shëndetin, ne mendojmë për financat tuaja.sigurimi i shëndetit

8. Rralloni duhanpirjen

Pirja e duhanit e bën individin të ndjeshëm ndaj infeksioneve të frymëmarrjes në dimër, ndaj lënia apo rrallimi i tij ndihmon sistemin e frymëmarrjes.

9. Vitamina D

Dilni në natyrë dhe zhytuni në diell të ngrohtë, trupi ynë ka nevojë për vitaminë D, e cila është thelbësore për ruajtjen e shëndetit dhe imunitetit. Vitamina D gjithashtu kërkohet për të rregulluar gjendjen shpirtërore.

10. Veshjet

Vishni rroba me përmbajtje leshi ose kashmiri për t’ju mbajtur ngrohtë kur dilni jashtë.

Tani është koha për t’u kujdesur për shëndetin, nëse dëshironi të mos sëmureni dhe të shmangni antibiotikët dhe barnat e tjera, ndiqni këshillat e mësipërme për të pasur një dimër të sigurtë dhe të shëndetshëm.
sigurimi i shëndetit Albsig
Jini të kujdesshëm ndaj statusit tuaj shëndetësor, bëni një kontroll rutinë mjekësor dhe njihuni me faktorët e rrezikut, nëse ka. Investoni në një kontroll shëndetësor përmes Kartave të Shëndetit Albsig, për të përmbushur nevojat tuaja shëndetësore.

The post 10 mënyra se si të qëndroni të shëndetshëm në stinën e dimrit appeared first on Albsig.

Siguracion Shëndeti në Udhëtim

Siguracion Shëndeti nga Sëmundjet

Siguracion Shëndeti nga Aksidentet

Siguracion Shëndeti i Nxënësve dhe Studentëve

Sigurimi i Shëndetit në Udhëtim

“Siguracion Shëndeti në Udhëtim” është shumë i rëndësishëm, sidomos për ata të cilët e gjejnë veten duke udhëtuar shpesh, qoftë për udhëtime pune apo për pushime. Ky siguracion mbulon humbjet e ndodhura, që mund të lindin nga aksidente të ndryshme, ndërhyrjet mjekësore nga sëmundje akute, si dhe shpenzimet e riatdhesimit në rast sëmundje, apo të humbjes së jetës, brenda periudhës së sigurimit përgjatë gjithë periudhës së qëndrimit jashtë territorit të Shqipërisë.

Ky siguracion ju mbron në momentet më delikate tuajat. Ju mund të ndodheni jashtë shtetit, pësoni një aksident dhe nuk keni asnjë informacion si të veproni dhe asnjë mbështetje nga të afërmit tuaj, por me “Siguracion Shëndeti në Udhëtim”, Albsig ndodhet pranë jush.

Sigurimi i Shëndetit nga Sëmundjet

Sëmundjet janë diçka e pashmangshme dhe fatkeqësisht të gjithë ne jemi të hapur ndaj sëmundjeve që rrezikojnë rëndë shëndetin tonë, prandaj për këtë arsye “Siguracion Shëndeti nga Sëmundjet” duhet të jetë patjetër në politikat tuaja të sigurimit

Albsig mendon gjithmonë për ju! Albsig ofron “Siguracion Shëndeti nga Sëmundjet” me 3 lloje paketash të fashës ekonomike, duke synuar që kjo politikë të aksesohet nga sa më shumë individë dhe të përballohet lehtësisht financiarisht nga ta, sepse Albsig beson se të gjithëve duhet t’i ofrohet mundësia për të siguruar shëndetin.

Paketat për “Siguracion Shëndeti nga Sëmundjet” janë: Albsig Bazë, Albsig Ekonomike dhe Albsig Standard. Mund të merrni më shumë informacion rreth siguracionit të shëndetit nga sëmundjet duke na kontaktuar në një nga format e komunikimit.

Sigurimi nga Aksidentet Personale

Të gjithe jemi të rrezikuar nga aksidentet dhe ky është një rrezik që ne nuk mund ta parashikojmë dhe ta parandalojmë. Aksidentet mund të lindin nga situata të papritura, si nga një përshkallëzim dhune, një aksident me makinë ose aksidente të tjera që shkaktojnë dëmtime fizike deri në humbje jete. “Siguracion Shëndeti nga Aksidenti” mbulon dëmtimet shëndetësore që ju ndodhin nga aksidentet dhe ju bën të ndiheni më të sigurtë. Albsig ju dëmshpërblen në rast paaftësie të përkohshme, paaftësisë së përhershme dhe deri në humbjen e jetës.

Sigurimi i Nxënësve dhe Studentëve

Kur ne i dërgojmë fëmijët tanë në shkollë, jemi me mendjen se ne po i dërgojmë në një ambient të sigurtë dhe të parrezikshëm. Kjo fatkeqësisht nuk është plotësisht e vërtetë, edhe nxënësit dhe studentët janë të hapur ndaj rreziqeve të tilla si, ngjarjeve aksidentale, të papritura, të paparashikuara, të dhunshme dhe që shkaktojnë dëmtime fizike, të cilat mund të jenë të përkohshme, të përhershme dhe madje deri në humbjen e jetës. Prej këtyre arsyeve, Albsig ofron “Siguracion Shëndeti për Nxënësit dhe Studentët”.

Shëndeti dhe natyra e tij komplekse duhet siguruar. Albsig ofron një sërë paketash, të cilat sigurojnë që shëndeti juaj dhe i familjes suaj të mos rrezikohet. Zbuloni më shumë sesi mund ta mbroni shëndetin tuaj dhe llojet e tjera të sigurimit me agjentët tanë.

The post Shëndeti: Si ta mbrojmë atë appeared first on Albsig.

Blerja e llojit dhe sasisë së duhur të sigurimit përcaktohet gjithmonë nga situata juaj specifike. Faktorë të tillë si fëmijët, mosha, mënyra e jetesës dhe përfitimet e punës luajnë një rol kur ndërtoni portofolin tuaj të sigurimeve. Ekzistojnë, megjithatë, tre llojet e sigurimit që shumica e ekspertëve financiarë rekomandojnë që ne të gjithë të kemi: jetën, shëndetin dhe makinën.

Sigurimi i Jetës

Përfitimet më të mëdha të sigurimit të jetës përfshijnë aftësinë për të mbuluar shpenzimet tuaja të varrimit dhe për të siguruar ata që lini pas. Kjo është veçanërisht e rëndësishme nëse keni një familje që varet nga paga juaj për të paguar faturat. Ekspertët e industrisë sugjerojnë një politikë të sigurimit të jetës që mbulon 10 herë të ardhurat tuaja vjetore, por ky është një numër që jo të gjithë mund ta përballojnë.

Kur vlerësoni sasinë e mbulimit të sigurimit të jetës që ju nevojitet, mos harroni të merrni parasysh jo vetëm shpenzimet e funeralit, por edhe shpenzimet e përditshme të jetesës. Këto mund të përfshijnë pagesat e hipotekës, huatë e papaguara, borxhin e kartës së kreditit, taksat, kujdesin për fëmijët dhe kostot e ardhshme të universitetit.

Ka dy lloje themelore të sigurimit të jetës: Sigurimi i jetës tradicionale dhe jetës me terma.

 E shpjeguar thjesht, sigurimi i jetës tradicionale mund të përdoret si një mjet i të ardhurave, si dhe një instrument sigurimi. Për sa kohë që vazhdoni të paguani primet mujore, e gjithë jeta juaj është e siguruar. 

Jeta me terma, nga ana tjetër, është një politikë që ju mbulon për një kohë të caktuar. Ka dallime të tjera të konsiderueshme midis dy llojeve të sigurimeve, kështu që ju mund të dëshironi të kërkoni këshillën e një eksperti financiar para se të vendosni se cila është më e mira për ju. Faktorët që duhen marrë parasysh përfshijnë moshën tuaj, profesionin dhe numrin e fëmijëve që keni.

Sigurimi i Shëndetit

Statistikisht, ju dhe familja juaj jeni vetëm një sëmundje serioze larg falimentimit. 

Mos lejoni që ju dhe familja juaj të vuani financiarisht dhe psikologjikisht nga sëmundje të papritura. 

Sigurimi i Makinës

Sipas statistikave nga Instat vetëm gjatë muajit gusht të vitit 2021 kanë ndodhur 134 aksidente rrugore. Me këto statistika është e rëndësishme të keni një sigurim për makinën tuaj. 

Nëse i jepni mjetit tuaj pa sigurim dhe ju ndodh një aksident, gjobat ndoshta do të jenë barra juaj më e vogël financiare. Nëse ju, një pasagjer, ose shoferi tjetër jeni lënduar në aksident, sigurimi i automjeteve do të mbulojë shpenzimet dhe do t’ju ndihmojë t’ju mbrojë nga çdo proces gjyqësor që mund të rezultojë nga aksidenti. Sigurimi i automjeteve gjithashtu mbron automjetin tuaj kundër vjedhjes, vandalizmit ose fatkeqësive natyrore, të tilla si një uragan ose incidente të tjera të lidhura me motin.

Përsëri, si me të gjitha sigurimet, rrethanat tuaja individuale do të përcaktojnë koston e sigurimit të automjeteve. Për t’u siguruar që merrni sigurimin e duhur për ju, krahasoni disa kuota tarifash dhe mbulimin e ofruar dhe kontrolloni periodikisht për të parë nëse kualifikoheni për tarifa më të ulëta bazuar në moshën tuaj, rekordin e drejtimit ose zonën ku jetoni.

Si përfundim 

Shumica e ekspertëve pajtohen se jeta, shëndeti, dhe sigurimi i automjeteve janë tre llojet e sigurimeve që duhet të keni. Nëse mendoni se sigurimi është i shtrenjtë, mospasja e tij është shumë më e kushtueshme.

The post 3 Llojet e Sigurimit që i Duhen të Gjithëve appeared first on Albsig.

Në kohën kur shëndeti është në qendër të vëmendjes globale, sigurimi shëndetësor bëhet një partner i rëndësishëm për tu mbrojtur kundër sfidave të ndryshme shëndetësore. AlbSig ofron një gamë të gjerë të produkteve dhe shërbimeve, duke përfshirë sigurimin shëndetësor individual dhe familjar, të cilat janë të përshtatshme për të përmbushur nevojat specifike të çdo personi dhe familjeje.

Sigurimi i jetës dhe shëndetit

Në kuptimin e sigurimit të shëndetit individual, Albsig ofron paketa të personalizuara që mbulojnë koston e trajtimit mjekësor, vizitat në spital, analizat laboratorike dhe shërbimet e tjera shëndetësore. Ky sigurim jep siguri financiare në rastet e papritura shëndetësore dhe ndihmon në shmangien e ngarkesës financiare për individin.

Sigurimi i shëndetit familjar ofron mundësinë për mbulimin e të gjithë anëtarëve të familjes. Kjo është një zgjedhje e shkëlqyer për ata që dëshirojnë të kenë qetësi për shëndetin e të dashurve të tyre. AlbSig siguron kujdesin shëndetësor duke përfshirë vizitat e rregullta mjekësore, trajtimin e nevojshëm dhe shërbimet preventive.

Policat e Sigurimit Shëndetësor Albsig, janë krijuar për t’iu përshtatur çdo kategorie dhe nevoje, duke ju ofruar mbulim për trajtime mjekësore dhe kujdes parandalues me anë të:

Sigurimi mjekësor i udhëtimit ju mbron në rast sëmundjeje ose aksidenti kur udhëtoni jashtë vendit. Ai ofron përfitimet kryesore mjekësore apo të riatdhesimit në rast urgjence cilido qoftë destinacioni juaj.

• Vizita mjekësore urgjente
• Shpenzimet për medikamentet mjekësore
• Trajtime spitalore urgjente
• Riatdhesim

Sigurimi i Shëndetit në Udhëtim për Studentët

Albsig ofron opsionet më të mira të sigurimit shëndetësor në mënyrë që të merrni vendime të zgjuara për shëndetin dhe sigurinë tuaj personale nëse jeni student jashtë vendi dhe keni nevojë të paguani për trajtimin mjekësor, apo riatdhesimin urgjent.

Në përfundim, sigurimi i shëndetit individual dhe familjar nëpërmjet Albsig sjell një ndjenjë sigurie dhe mbrojtje për klientët e saj. Me një angazhim të vazhdueshëm në ofrimin e shërbimeve cilësore dhe inovative, AlbSig ndihmon në ndërtimin e një shoqërie shëndetësore dhe të qëndrueshme në Shqipëri.

The post Sigurim Shëndeti individual dhe familjarë. appeared first on Albsig.